ރާއްޖޭގައި ކޮވިޑްގެ ނުރައްކާ ބޮޑުވެފައިވާއިރު މިއަދު އެ ބަލީގައި މަރުވި މީހުންގެ އަދަދު 6 އަރައިފި އެވެ.
ރޭ ދަންވަރު
ލ.އަތޮޅު ކޮވިޑް ފެސިލިޓީގައި ފަރުވާދެމުންދިޔަ ދެ މީހަކު މަރުވެފައިވާއިރު އެއީ 87 އަހަރުގެ ދިވެހި ފިރިހެނަކާ، 69 އަހަރުގެ ދިވެހި ފިރިހެނެކެވެ.
87 އަހަރުގެ މީހާ މަރުވެފައިވަނީ ދަންވަރު 01:54 ގަ އެވެ. އަދި 69 އަހަރުގެ މީހާ މަރުވެފައިވަނީ 03:01 ގަ އެވެ.
މިއަދު ހެނދުނު އައިޖީއެމްއެޗް އީއާރަށް ގެނެވުނު ކޮވިޑްބަލި މީހަކު 07:25 ގައި ވަނީ މަރުވެފައެވެ. އެއީ 73 އަހަރުގެ ދިވެހި ފިރިހެނެކެވެ.
Today at 09:48 am a 66-year-old Maldivian male admitted at HMF has passed away
— Health Protection Agency (@HPA_MV) May 19, 2021
This is the 111th COVID-19 death in the Maldives.
Our thoughts and prayers are with the bereaved family. May Allah grant his soul eternal peace in heaven
ހުޅުމާލެ ފެސިލިޓީގައި ފަރުވާދެމުން ދިޔަ 3 މީހަކުވެސް މިއަދު ހެނދުނު މަރުވެފައިވާއިރު މި 3 މަރާއެކު ރާއްޖޭން ކޮވިޑްގައި މީހުން މަރުވި އަދަދު މިވަނީ 111 އަރާފައެވެ.
ހުޅުމާލެ ފެސިލިޓީގައި ފުރަތަމަ މަރުވެފައިވަނީ 63 އަހަރުގެ ދިވެހި އަންހެނެކެވެ. އެމީހާ މަރުވީ ފަރުވާދެމުން ދަނިކޮށް ހެނދުނު 08:30 ގަ އެވެ. ދެން މަރުވެފައިވަނީ 51 އަހަރުގެ އިންޑިޔާ ފިރިހެނެކެވެ. އެމީހާ މަރުވެފައިވަނީ ހެނދުނު 08:44 ގައެވެ.
އޭގެފަހުން 09:48 ގައި 66 އަހަރުގެ ދިވެހި ފިރިހެނަކު މަރުވެފައިވާމަށް އެޗްޕީއޭއިން ވަނީ ބުނެފައެވެ. އެމީހާގެ މަރާއެކު މިއަދު އެކަނި މި ބަލީގައި މަރުވި މީހުންގެ އަދަދު 6 އެރީއެވެ.
