ކުޅުދުއްފުށިން ޕޮޒިޓިވްވި އަދަދު 17 އަށް

ކުޅުދުއްފުށިން ޕޮޒިޓިވްވި މީހުންގެ އަދަދު 17 އަށް އަރައިފި އެވެ. މިފަހުން ކުޅުދުއްފުށިން ޕޮޒިޓިވް ކޭސްތަކެއް ފެނިގެން ރަށް މޮނިޓަރިންގލީ މެއި ތިންވަނަ ދުވަހު އެވެ.

ކުޅުދުއްފުށީ ރީޖަނަލް ހޮސްޕިޓަލުން އާންމުކޮށްފައިވާ މައުލޫމާތުތަކަށް ބަލާއިރު މިއަދު ވަނީ އިތުރު ހަތަރު މީހަކު ކޮވިޑް-19 އަށް ޕޮޒިޓިވްވެފަ އެވެ. އެއީ މިމަހު 22 އަދި 23 ވަނަ ދުވަހު ނެގި 116 ސާމްޕަލްތަކުގެ ތެރެއިންނެވެ.

މި ހަތަރު ސާމްޕަކީވެސް ހޯމް ކަރަންޓީނުގައި ތިބި ބައެއް ކަމަށާއި މީގެ ތެރެއިން 3 މީހުންނަކީ ރަށުން ބޭރުން އައުމަށް ފަހު ކަރަންޓީން ފުރިހަމަ ކުރާ 3 މީހުންނެވެ. އިތުރު މީހަކީ 11 ވަނަ ދުވަހުން ފެށިގެން ކަރަންޓީނުގައި ހުރި މީހެކެވެ.

✳️ COVID-19: Case Updates | Kulhudhuffushi City

From the 116 samples taken between 6pm of May 22 & 6pm of May 23, 4 new positive cases have been reported. However, all the 90 random samples were tested negative. Please wear masks, wash hands and, maintain social distance. pic.twitter.com/P7YJ3GQbld

— Kulhudhuffushi Regional Hospital (@KRHmv) May 24, 2021

މި 116 ސާމްޕަލްގެ ތެރެއިން ނެގި 90 ރޭންޑަމް ސާމްޕަލް ނަގާފައިވާއިރު ހުރިހާ ސާާމްޕަލްއެއް ވެސް ވަނީ ނެގަޓިވް ވެފައެވެ.

ކޮވިޑް 19 އިން ސަލާމަތަވުމަށް ޓަކައި އެޅެން ހުރި ހުރިހާ ފިޔަވަޅެއް އަޅައި މާސްކް އެޅުމާއެކު ގައިދުރުކަން އިސްކުރަން ހޮސިޓަލުން އިލްތިމާސް ކުރެއެވެ