ޕްރިޔަންކާ ބުނީ އުފާވެރި ކައިވެއްޏެއްގެ ސިއްރަކީ އެކުގައި ވަގުތު ހޭދަކުރުން ކަމަށް

ގިނަ ބައެއްގެ ލޯބި ހޯދާފައިވާ އެކްޓްރެސް ޕްރިޔަންކާ ޗޯޕްރާ އާއި ނިކް ޖޯނަސްގެ ކައިވެންޏަށް 2 އަހަރުވެފައިވާ އިރު ޕްރިޔަންކާ ދާދި ފަހުން ވަނީ ކައިވެންޏާއި ބެހޭގޮތުން ވާހަކަ ދައްކާފައެވެ. އޭނާ ބުނީ އުފާވެރި ކައިވެއްޏެއްގެ ސިއްރަކީ އެކުގައި ވަގުތު ހޭދަކޮށް އެކަކަކު އަނެއްކަކާ ވާހަކަ ދެއްކުން ކަމަށެވެ.

މެގަޒިންއަކަށް ދިން އިންޓަވިއުއެއްގައި ޕްރިންޔަންކާ ބުނީ ކައިވެންޏާއި ބެހޭގޮތުން މާބޮޑެތި އެޑްވައިޒް ދޭން އަދި ނޭނގޭނެ ކަމަށާއި އެހެންނަމަވެސް ދެ މީހުންގެ ކަންކަމުގައި މަޝްވަރާކޮށް ވާހަކަ ދެއްކުން މުހިއްމު ކަމަށެވެ.

ބޮލީވުޑަށް ވުރެ މިހާރު ހޮލީވުޑްގެ ފިލްމުތަކުގައި ގިނައިން މަސައްކަތް ކުރަމުން އަންނަ ޕްރިޔަންކާ ނިކް ޖޯނަސްއާއި ކައިވެނިކޮށްފައިވަނީ 2018 ވަނަ އަަހަރުގެ ޑިސެމްބަރ މަހު 1 ވަނަ ދުވަހު ރާޖިސްތާނުގައި ހުންނަ އުމައިދު ބަވަން ޕެލެސްގައެވެ.