މިއަދުގެ ދެވަނަ މަރާއެކު ކޮވިޑުގައި މަރުވި މީހުންގެ އަދަދު 150 އަށް

ކޮވިޑުގައި މިއަދު އަނެއްކާވެސް އިތުރު މީހަކު މަރުވެއްޖެ އެވެ. ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ ނިޔާވެފައިވަނީ އުމުރުން 79 އަހަރުގެ ދިވެހި ފިރިހެނެއް ކަމަށެވެ. މި މަރާއެކު ރާއްޖޭން ކޮވިޑްގައި މަރުވި މީހުންގެ އަދަދު މިވަނީ 150 އަރާފައެވެ.

މަރުވެފައިވަނީ އައިޖީއެމްއެޗް އީއާރަށް ގެންދިޔަ މީހެކެވެ. މިއަދު ފުރަތަމަ މަރުވެފައިވަނީ 56 އަހަރު ދިވެހި ފިރިހެނެކެވެ. އެއީވެސް ހުޅުމާލެ ފެސިލިޓީގައި ފަރުވާދެމުން ދިޔަ މީހެކެވެ.

Today a 79-year-old Maldivian male brought to IGMH/ER was declared dead at 07:55 am

This is the 150th COVID-19 death in the Maldives

Our thoughts and prayers are with the bereaved family. May Allah grant his soul eternal peace in heaven

— Health Protection Agency (@HPA_MV) May 27, 2021

މި ބަލީގައި އާންމުގޮތެއްގައި ނިޔާވަނީ އައިސީޔޫގައި ފަރުވާދޭމީހުންނެވެ. އެ މީހުންގެ ހާލަތާއި ގުޅޭގޮތުން ވާހަކަދައްކަވަމުން އައިޖީއެމްއެޗްގެ ޑރ. މުހައްމަދު އިސްމާއިލް ވަނީ ކުރިއާ ހިލާފަށް ކޮވިޑަށް ޕޮޒިޓިވްވާ ޒުވާނުންގެ ހާލަތުވެސް މިހާރު ވަރަށް ބޮޑަށް ސީރިއަސްވަމުން ދާކަމަށް ވިދާޅުވެފައެވެ.

ދަރުމަވަންތަ ހޮސްޕިޓަލުގެ އައިސީޔޫގައި މިހާރު ފަރުވާދެމުން އަންނަ 65 ޕަސެންޓް މީހުންނަކީ އުމުރުން 40 އަހަރުން ދަށުގެ މީހުންނެވެ. އަދި އެންމެ ފަހުގެ ތަފާސްހިސާބުތަކަށް ބަލާއިރު އުމުރުން 18 އަހަރުން ދަށުގެ 211 ކުއްޖަކަށް މި ބަލިޖެހިގެން އަންނަނީ ފަރުވާ ހޯދަމުންނެވެ. އައިސީޔޫގައި ފަރުވާ ހޯދާ ގިނަ މީހުންނަކީ ވެކްސިންވެސް ޖަހާފައިނުވާ މީހުންނެވެ.