ވިޝަންގެ ގޮތުގައި ޕޯލް ދެން ނުފެނިދާނެ

މާވެލް ސްޕަހީރޯ ވިޝަންގެ ކެރެކްޓާ ކުޅެމުން އަދި ފޯލް ބެޓަނީ މާވެލްއާއެކު ހަދާފައިވާ ކޮންޓްރެކްޓް ހަމަވެ އެ ކެރެކްޓާއިން އޭނާ ފެންނާނެ ކަމާމެދު ޝައްކުވެއްޖެ އެވެ.

ޕޯލް ވަނީ މާވެލް ސިނެމެޓިކް ޔުނިވާރސް (އެންސީޔޫ) ގެ ވާންޑާވިޝަން ސީރީޒްގައިވެސް ވިޝަންގެ ކެރެކްޓާ ކުޅިފައެވެ. ނަމަވެސް އެމްސީޔޫއިން އަދިވެސް އޭނާ އެނބުރި ވިޝަންގެ ކެރެކްޓާއަށް އަންނާނެ ކަމެއް ނުވަތަ ނޫންކަމެއް ކަށަވަރުކޮށްދީފައެއް ނުވެއެވެ.

އެ ޝީރީޒްގައި ވިޝަންގެ ކެރެކްޓާ ވަނީ ނިމުމަކަށް އައިސްފައެވެ. އެ ސީރީޒްގެ ނިމުނު އިރު ވިޝަން ވަނީ "ގެއްލިފަ" އެވެ. ވިޝަންގެ ބަދަލުގައި ސީރީޒް ނިމިގެން ދިޔައިރު ފެނުނީ ވައިޓް ވިޝަން ކިޔާ އާ ކެރެކްޓާއެކެވެ.

އެހެންކަމުން ޕޯލް ވެސް ބުނެފައިވަނީ އޭނާ ކެރެކްޓާ އެނބުރި އަންނާނެކަމާމެދު އެއްޗެއް ބުނަން ނޭނގޭ ކަމަށެވެ.