36 ދުވަސް ފަހުން ގޮއިދޫ މޮނީޓަރިންނުން ނަގައިފި

މިދިޔަ މެއި މަހު 11 ވަނަ ދުވަހު ށ ގޮއިދޫގައި އިއުލާންކުރި މޮނީޓަރިންގެ ހާލަތު 36 ދުވަސް ފަހުން މިދިޔަ އަންގާރަ ދުވަހު އުވާލައިފިއެވެ.

މޮނީޓަރިންގެ ހާލަތު އުވާލާފައިިވަނީ އެރަށް އާންމު ހާލަތަށް ގެނައުމަށްޓަކައި ނެގުނު ހުރިހާ ރޭންޑަމް ސާމްޕަލްތައް ނެގެޓިވްވުމާއި ގުޅިގެންނެވެ. އެގޮތުން ނަގާފައިވަނީ 65 ސާމްޕަލެވެ.

އެރަށުން ޖުމްލަ ނެގުނު 700 ސާމްޕަލްގެ ތެރެއިން ޕޮޒިޓިވްވީ 36 މީހުންނެވެ. މޮނީޓަރިންގެ ހާލަތުން އުވާލިއިރު އެރަށުގައި ކޮވިޑަށް ޕޮޒިޓިވްވެ ފަރުވާ ހޯދަމުންދަނީ 4 މީހުންނެވެ. އަނެއް 32 މީހުންވަނީ ބަލިން ފަސޭހަވެފައެވެ.

މައުލޫމާތު ލިބިފައިވާގޮތުގައި ގޮއިދޫއިން ފުރަތަމަ ޕޮޒިޓިވްވީ ކޮވިޑް ވެކްސިންވެސް ފުރިހަމަކޮށްފައިވާ 3 މީހުންނެވެ.