ކޮވިޑް-19 ގައި އިތުރު މަރެއް، މިއީ މިއަދު ކޮވިޑުގެ ދެވަނަ މަރު

ރާއްޖޭގައި ކޮވިޑް-19 އަށް ފަރުވާ ހޯދަމުންދިޔަ އިތުރު މީހަކު ނިޔާވެއްޖެ އެވެ. މިއީ މި ބަލީގައި މިއަދު މަރުވި ދެވަނަ މީހާ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ އެ މީހާ ނިޔާވެފައިވަނީ ލާމު ކޮވިޑް މެނޭޖްމެންޓް ފެސިލިޓީގައި ފަރުވާދެމުން ދަނިކޮށް މިރޭ 07:06 ގައި ކަމަށެވެ. މަރުވެފައިވަނީ 82 އަހަރުގެ ދިވެހި ފިރިހެނެކެވެ.

މިއީ މިބަލީގައި މަރުވި 203 ވަނަ މީހާ އެވެ. މިއަދު ދެން މަރުވެފައިވަނީ 68 އަހަރުގެ ދިވެހި އަންހެނެކެވެ.

Today at 07:06 pm (18/06/21) a 82-year-old Maldivian male admitted at L. Covid Management Facility has passed away.

This is the 203rd COVID-19 death in the Maldives.

Our thoughts and prayers are with the bereaved family. May Allah grant his soul eternal peace in heaven.

— Health Protection Agency (@HPA_MV) June 18, 2021

މިހާތަނަށް ރާއްޖެއިން 71498 މީހަކަށް ވަނީ ކޮވިޑް ޖެހިފައެވެ. އޭގެ ތެރެއިން 65178 މީހަކު ވަނީ ބަލިން ފަސޭހަވެފައެވެ.

މި ވަގުތު ބައްޔަށް ފަރުވާ ހޯދަމުން އަންނަނީ 6106 މީހުންނެވެ. ހޮސްޕިޓަލްގައި ފަރުވާ ދެމުން ދަނީ 53 މީހެކެވެ.