އިންޑިޔާގެ ލެޖެންޓަރީ އެތްލީޓް މިލްކާ ސިންގް ވަނީ ދާދިފަހުން ކޮވިޑް-19 ގައި މަރުވެފައެވެ. އިންޑިޔާގައި"ފްލައިން ސިންގް"ގެ ނަމުގައި މަޝްހޫރި މިލްކާ ސިންގް މި ޖެނެރޭޝަނަށް ދަސްވީ ފަރްހާން އަޙްތަރުގެ "ބާގް މިލްކާ ބާގް" ފިލްމުންނެވެ.
2013 ގައި ރިލީޒްކުރި މި ފިލްމުގައި ފަރްޙަން ކުޅެފައިވަނީ މިލްކާ ސިންގެ ރޯލެވެ.
މިލްކާގެ ވަކިވުމާއެކު ފަރްހާން ކުރި ޕޯސްޓެއްގައި ބުނެފައިވަނީ މިލްކާ ވަކިވެގެން ދިޔަކަން އަދިވެސް ގަބޫލްކުރަން ދަތިކަމަށާއި އޭނާއަކީ އެންމެނާވެސް ގުޅޭ ބޮޑު ހިތެއްގެ ވެރިއެއްކަމަށެވެ.
ފަރްހާންގެ މި ޕޯސްޓަށް ބޮލީވުޑްގެ ގިނަ ތަރިންތަކެއް ވަނީ ކޮމެންޓްކޮށް އޭނާއަށް ހިތްވަރުދީފަ އެވެ. އޭގެތެރޭގައި ސާހުރުކް ޚާން، ޕްރިޔަންކާ ޗޯޕްރާ، އަކްޝޭ ކުމާރު އަދި އަމީތާބު ހިމެނެއެވެ.
The Flying Sikh may no longer be with us in person but his presence will always be felt and his legacy will remain unmatched... An inspiration to me... an inspiration to millions. Rest in Peace Milkha Singh sir.
— Shah Rukh Khan (@iamsrk) June 18, 2021
