ހަންގާމާ 2 ބެލުންތެރިންނަށް ކަމަކުނުދިޔަ

ޝިލްޕާ ޝެޓީ ބޮލީވުޑަށް އެނބުރި އައި ފިލްމު ހަންގާމާ 2 ބެލުންތެރިންގެ ފަރާތުން މާ ބޮޑު ތަރުހީބެއް ނުލިބުނެވެ. އެ ފިލްމުގެ ރޭޓިން މިހާރު އޮތީ 1.5 ގައެވެ.

ފިލްމަކީ ކޮމެޑީ ފިލްމެއް ނަމަވެސް އެއްވެސް މަޖާކަމެއް ނެތްކަމަށް ފިލްމު ބެލި ބައެއް މީހުންގެ ބުނެފައި ވެއެވެ. ހަންގާމާ ފުރަތަމަ ފިލްމަކީ ކާމިޔާބު ފިލްމެއް ނަމަވެސް ހަންގާމާ 2 ނުހިނގީ ފިލްމުގެ ވާހަކަ އެއްވެސް ވަރަކަށް ކަމުނުދާތީ ކަމަށްބުނެ ބެލުން ތެރިން ރިވިއުކޮށްފައި ބުނެފައި ވެއެވެ.

ޝިލްޕާގެ އިތުރުން ދެން ފިލްމުގެ މުހިއްމު ރޯލުތަކުން ފެނިގެންދަނީ ޕަރޭޝް ރާވަލް، މީޒާން ޖެފްރީ އަދި ޕަރްނިތާ ސުބާޝް އެވެ.

ފިލްމުގެ ވާހަކަ ފެށިގެން ދަނީ ފިލްމުގައި ވާނީ ގެ ރޯލު އަދާކުރާ ފަރްނިތާ، މީޒާން (އާކާޝް) ގެ ގެއަށް ކުޑަ ކުއްޖަކު ގޮވައިގެން ދާ ހިސާބުންނެވެ. އަދި އެ ދަރިއަކީ އާކާޝްގެ ދަރިއެއް ކަމަށް ވާނީ ތުހުމަތު ކުރެއެވެ. ދެން ފެނިގެންދަނީ އެކަން އާކާޝް ދޮގުކޮށް ރައްޓެއްސެއްކަމަށްވާ ޝިލްޕާ (އަންޖަލީ)ގެ އެހީގައި އެކަމުގެ ހަގީގަތް ހޯދުމަށް ކުރާ ކަންކަމުގެ ތެރެއިން ދިމާވާ ހާދިސާތަކެވެ.

އުންމީދު ކުރި ފެންވަރަށް ފިލްމު ގެނެސްދެވިފައި ނުވާތީ ގިނަ ބެލުންތެރިން ބުނެފައިވަނީ ފިލްމު ބަލާ ނިންމާލީ މާޔޫސްކަމާއެކު ކަމަށާއި ހަންގާމާ ފުރަތަމަ ފިލްމުގެ ޖާދޫ ދެވަނަ ފިލްމުން ނުފެނުން ކަމަށެވެ.