އަންނަ މަހުގެ ނިޔަލަށް ވެކްސިން ޖަހާ ނިންމުމަކީ ސަރުކާރުގެ އަމާޒެއް

ވެކްސިން ޖެހޭ އުމުރުގެ އެންމެންނަށް އަންނަ މަހުގެ ނިޔަލަށް ވެކްސިން ޖަހާ ނިންމުމަކީ ސަރުކާރުގެ އަމާޒެއް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

މިއަދު ފާހަގަ ކުރަމުން އަންނަ މިނިވަން ދުވަހުގެ މުނާސަބަތުގައި ގައުމާ މުހާތަބު ކުރައްވާ ރައީސް ވިދާޅުވީ ސަރުކާރުން ފަށަން ތައްޔާރުވަމުން އަންނަ ކޮވިޑް ވެކްސިން ދިނުމުގެ ބޮޑު ޕްރޮގްރާމު އަންނަ ހަފުތާގެ ތެރޭގައި ފަށާނެ ކަމަށެވެ.

އެ ޕްރޮގްރާމުގެ އަމާޒަކީ ފުރަތަމަ ރާއްޖޭގައި އުޅޭ އެންމެންގެ ތެރެއިން ވެކްސިން ޖަހާ އުމުރުގެ 90 ޕަސެންޓް މީހުންނަށް އަންނަ އޮގަސްޓް މަހުގެ ނިޔަލަށް ވެކްސިން ޖަހައި ނިންމުން ކަމަށް ރައީސް ވިދާޅުވި އެވެ.

އެއަށްފަހު އެ ޕްރޮގްރާމުގެ ތެރެއިން ރާއްޖޭގައި ދިރިއުޅޭ އެންމެންނަށް ވެކްސިން ޖަހައި ނިންމުމަށް މަސައްކަތް ކުރައްވާނެ ކަމުގައި އެމަނިކުފާނު ފާހަަގަކުރެއްވި އެވެ.

ރާއްޖޭގައި މިހާތަނަށް ދެވަނަ ޑޯޒް ޖަހާފައި ވަނީ 260،991 މީހުންނެވެ. ފުރަތަމަ ޑޯޒް ޖަހާފައި ވަނީ 321،350 މީހުންނެވެ. ގިނަބަޔަކު ޖަހާފައި ވަނީ ޑީންޑިއާގެ ކޮވިޝީލްޑް ވެކްސިނެވެ.