twitterviber whatsapp telegramfacebookyoutube instagram
4th April 2025

އެސްޓްރާޒެނެކާ ވެކްސިން ޖަހަން ބޭނުންވާ ފަރާތަކަށް އެޕޮއިންޓްމެންޓަށް ހުޅުވާލައިފި

Jul 29, 2021

އެސްޓްރަޒެނެކާ ވެކްސިންގެ ފުރަތަމަ ޑޯޒާއި ދެވަނަ ޑޯޒު ޖެހުމަށްޓަކައި އޮންލައިންކޮށް އެޕޮއިންޓްމަންޓް ހެދުުމަށް އެޗްޕީއޭއިން ހުޅުވާލައިިފި އެވެ. އެޗްއީއޯސީއިން އިއްޔެ ވަނީ ރާއްޖެއިން އޯޑަރުކުރި އެސްޓްރަޒެނެކާ ވެކްސިން ޝިޕްމަންޓުގެ އެއްބައި ލިބިފައިވާކަން އިއުލާނުކޮށްފައެވެ.

އެޗްޕީއޭއިން މިއަދު ކުރި ޓްވީޓެއްގައި ބުނި ގޮތުގައި އެސްޓްރަޒެނެކާ ވެކްސިންގެ ފުރަތަމަ ޑޯޒާއި ދެވަނަ ޑޯޒު ޖެހުމަށްޓަކައި އެޕޮއިންޓްމަންޓް ހެދުމަށް މިހާރު ވަނީ ހުޅުވާލާފައެވެ. އެގޮތުން book.hpa.gov.mv އަށް ދިޔުމަށްފަހު މީހާއާއި ބެހޭ މައުލޫމާތު ފުރިހަމަ ކުރުމަށްފަހު ވެކްސިން ޖަހަން ބޭނުންވާ ދުވަހާއި ގަޑި އިހްތިޔާރުކުރެވޭނެއެވެ.

އެޕޮއިންޓްމަންޓް ހަމަޖެހުމުން އެސްއެމްއެސް އެއް ލިބޭނެ ކަމަށާއި ވެކްސިން ޖަހަންގޮސް ވެކްސިން ސެންޓަރަށް އެ އެސްއެމްއެސް ދައްކަން ޖެހޭނެ ކަމަށް އެޗްޕީއޭއިން ބުނެފަވެއެވެ.

އެޕޮއިންޓްމަންޓް ހަމަޖެހޭ ގަޑީގެ 15 މިނަޓް ކުރިން ސެންޓަރަށް ދިޔުމަށް އިލްތިމާސް ކޮށްފައިވާއިރު ގަޑިއަށް ނުދެވިއްޖެނަމަ އެޕޮއިންޓްމަންޓް ކެންސަލް ވާނެ ކަމަށާއި އެހެން ދުވަހަކަށް އަލުން އެޕޮއިންޓްމަންޓް ހަދަން ޖެހޭނެ ކަމަށްވެސް އެޗްޕީއޭއިން ބުނެފަވެއެވެ.

ރާއްޖޭގައި ވެކްސިން ޖަހައި ނިންމުމަށްޓަކައި ވެކްސިންގެ ވަރުގަދަ ކެމްޕޭނެއް 31 ޖުލައިގައި ފަށައި މަސް ދުވަސް ތެރޭގައި ރާއްޖޭގެ 90 ޕަސަންޓު އާބާދީއަށް ވެކްސިން ޖަހައި ނިންމުމަށް ސަރުކާރުން ވަނީ އަމާޒު ހިފާފައެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355