ހުރިހާ ރައްޔިތުން ވެކްސިންޖެހުމަށް ރައީސް އިލްތިމާސް ކުރައްވައިފި

އާންމު ހާލަތަށް ދިއުމަށްޓަކައި ހުރިހާ ރައްޔިތުން ވެކްސިން ޖެހުމަށް ރައީސް އިބްރާހިމް މުހައްމަދު ސޯލިހް އިލްތިމާސްކުރައްވައިފި އެވެ.

ކޮވިޝީލްޑާއި މުޅިން އަލަށް އެސްޓްރާޒެނެކާ ވެކްސިން ޖަހަން ފެށުމާ ދިމާކޮށް ރައީސް ކުރެއްވި ޓްވީޓެއްގައި ވިދާޅުވީ ދިރިއުޅުން އާންމު ހާލަތަށް ގެންދެވެން އޮތް ހަމައެކަނި ގޮތަކީ ވެކްސިން ފުރިހަމަކުރުން ކަމަށާއި އެހެންކަމުން އެއްވެސް މީހަކު ވެކްސިން ނުޖަހާ ހުރިނަމަ ވީހާވެސް އަވަހަށް ވެކްސިން ޖެހުމަށް އެދިފައި ވެއެވެ.

After months of hardship from COVID19, vaccines are our pathway to resume the rhythm of normal life- to work, run our businesses and be with family and friends.

If you haven’t already, please go and get your shots now. Do it for your families, do it for your community. https://t.co/nq99Xnom3k

— Ibrahim Mohamed Solih (@ibusolih) July 31, 2021

މީގެ ކުރިން ރައީސް ވަނީ ސަރުކާރުގެ އަމާޒަކީ ވެކްސިން ޖަހާ އުމުރުގެ އާބާދީގެ 90 ޕަސަންޓް މީހުންނަށް ކުރިއަށް އޮތް އޮގަސްޓް ނިމުމުގެ ކުރިން ވެކްސިން ޖެހުން ކަމަށް ވިދާޅުވެފަ އެވެ.

ދިވެހި އާބާދީއަށް ބޭނުންވާ މިންވަރަށް ވެކްސިން ހޯދާފައިވާ ކަމަށް ދިވެހި ސަރުކާރުން ވަނީ އިއްޔެ ހާމަކޮށްފައެވެ.

ސަރުކާރުގެ ތަރުޖަމާން މުހައްމަދު މަބުރޫކް އަޒީޒު މިއަދު ވިދާޅުވީ ދިވެހި އާބާދީއަށް ބޭނުންވާ މިންވަރަށް ކޮވިޑް-19 އިން ދިފާއުވުމަށް ޖަހަން ޖެހޭ ވެކްސިން ހޯދިފައިވާ ކަމަށެވެ. އަދި އެއީ މިވަގުތަށް އެ ފުރުސަތު ލިބިފައިޗާ މަދު ގައުމުތަކުގެ ތެރެއިން އެއް ގައުމު ކަން ފާހަގަ ކުރެއްވިއެވެ.