ފެނަކައިން ކުރިއަށްގެންދާ ފުނަރު ޕްރޮގުރާމުގެ އިމްތިހާނު ކުޅުދުއްފުށީގައި ބާއްވައިފި

ފެނަކައިން ކުރިއަށް ފުނަރު ޕްރޮގުރާމްގެ އިމްތިހާނު 5 ދަރިވަރުންނާއެކު ހދ. ކުޅުދުއްފުށީގައި ބާއްވައިފި އެވެ.

މިޕްރޮގުރާމް ޖުމުލަ ހަތް ރަށެއްގައި ކުރިއަށް ގެންދާއިރު ކޮންމެ ރަށެއްގައިވެސް ޕްރޮގުރާމް ނިމުމުން އިމްތިހާނުތައް ކުރިއަށް ގެންދެ އެވެ.

މި މަހުގެ އަށް ވަނަ ދުވަހު ށ. މިލަންދޫގައިވެސް އެ ޕްރޮގުރާމުގެ އިމްތިހާނެއް ބާއްވާފައިވެ އެވެ. އަދި ފެނަކައިން ބުނީ ކުޅުދުއްފުށީގައި ހިންގި ޕްރޮގުރާމުގައި ފަސް ދަރިވަރަކު ބައިވެރިވީއިރު ހޮނިހިރު ދުވަހު ތިއަރީ އިމްތިހާނު ހަދާ އިއްޔެ ވަނީ ޕްރެކްޓިކަލް އިމްތިހާނު ވެސް ހަދާފައި ކަމަށެވެ.

އިންޖީނު މަރާމާތު ކުރުމާއި މެއިންޓަނެންސްގެ މަސައްކަތްތަކާއި މެކޭނިކަލް މަސައްކަތްތައް ދަސްކޮށްދީ އަދި އެ މަސައްކަތްތައް ކުރާ އިރު ސަލާމަތީ ގޮތުން ސަމާލުވާން ޖެހޭ ކަންތައްތަކާއި އެކިއެކި އާލާތްތައް ބޭނުންކުރާނެ ގޮތްވެސް މިޕްރޮގުރާމްގެ ދަށުން ކިޔައިދެ އެވެ.