ކޮވިޑް ޖެހުނު މީހުންގެ އަދަދު 80،000 އަރައިފި

ރާއްޖޭން ކޮވިޑް ޖެހުނު މީހުންގެ އަދަދު 80،067 އަށް އަރައިފި އެވެ. އެގޮތުން އިއްޔެވެސް ރާއްޖޭން 108 މީހަކު ވަނީ ބައްޔަށް ޕޮޒިޓިވް ވެފައެވެ.

މިވަގުތު ރާއްޖޭގައި ކޮވިޑުން ރަނގަޅު ނުވެ ތިބީ 1،641 މީހުންނެވެ. މިހާތަނަށް 78،189 މީހުން ވަނީ ކޮވިޑުން ރަނގަޅުވެފަ އެވެ. މިވަގުތު ވެސް ހޮސްޕިޓަލްގައި އެޑްމިޓްކޮށް 16 މީހަކަށް ދަނީ ފަރުވާ ދެމުންނެވެ.

އެޗްޕީއޭއިން ބުނީ ގޮތުގައި އިއްޔެ ކޮވިޑް ބަލި ޖެހުނު މީހުންގެ ތެރެއިން 37 މީހުންނަކީ މާލޭ ސަރަހައްދުން ބަލި ޖެހުނު މީހުނެވެ. ޕޮޒިޓިވް މީހުންގެ ތެރެއިން 63 މީހުން ޕޮޒިޓިވްވީ އަތޮޅުތަކުގެ ތެރެއިންނެވެ.

މިހާތަނަށް ރާއްޖޭން ބަލި ޖެހިގެން މަރުވި މީހުންގެ އަދަދުވަނީ 225 އަރާފައެވެ.