ރާއްޖޭން ކޮވިޑް-19 ގެ ވެކްސިން ފުރިހަމަ ކުރި މީހުންގެ އަދަދު 300،064 އަށް އަރާފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
މިހާރު ވެސް ކޮވިޑް ވެކްސިންގެ ފުރަތަމަ ޑޯޒް ޖެހުން ކުރިއަށް ދާއިރު މިހާތަނަށް ރާއްޖެއިން 376،630 މީހަކަށް ވެކްސިން ދީފައިވެެއެވެ.
މީގެ އިތުރުން ސްކޫލް ދަރިވަރުންނަށް ހާއްސަކޮށް ވެކްސިން ޕްރޮގްރާމެއް މިމަހު 15 ގައި ފަށާފައިވާއިރު އެ ޕްރޮގްރާމުގެ ދަށުން މިހާތަނަށް 66 ޕަސަންޓް ކުދިން ވެކްސިން ފުރިހަމަކޮށްފައިވެއެވެ. ސްކޫލް ދަރިވަރުންގެ ތެރެއިން ވެކްސިން ޖަހަނީ 12 އަހަރާ 17 އަހަރާ ދެމެދުގެ ކުދިންނަށެވެ.
ސަރުކާރުގެ ފަރާތުން ދަރިވަރުންގެ ވެކްސިން ޕްރޮގްރާމުގެ މައުލޫމާތު ހާމަކުރައްވަމުން ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒު ވިދާޅުވީ ދަރިވަރުންގެ ވެކްސިން ޕްރޮގްރާމުގައި މިހާތަނަށް 81 ޕަސަންޓް ކުދިން ވެކްސިންގެ އެއް ޑޯޒް ޖަހާފައިވާ ކަމަށެވެ.
އެޑިޔުކޭޝަން މިނިސްޓްރީން އިއްޔެ ބުނީ ސުކޫލް ކުދިންގެ ވެކްސިން ޕްރޮގްރާމުގައި 20،000 އަށް ވުރެ ގިނަ ދަރިވަރުން ވެކްސިންގެ ފުރަތަމަ ޑޯޒު އިއްޔެއާ ހަމައަށް ޖަހާފައިވާ ކަމަށެވެ.
އަދި މިއަދުން ފެށިގެން އުމުރުން 60 އަހަރުން މަތީގެ މީހުންނަށްވެސް ފައިޒާ ވެކްސިން ދޭން ފަށާނެ ކަމަށް އެޗްޕީއޭއިން ވަނީ ބުނެފައެވެ.
އޮޅުނީއެއް ނޫން، ބޭނުންވީ ކޮރަލްސްގެ އަގުވަޒަން ކުރަން: މެންބަރު މުހައްމަދު
މަގުބޫލުކަން ހޯދި 'ފަންމާލި' ގައި ބައިވެރިވުމަށް ހުޅުވާލައިފި
މިދައުރު ސިންތެޓިކް ޓްރެކާއި ސްޕޯޓްސް ކޮމްޕްލްކްސް ގާއިމުކުރެވޭނެ
ފަރިއުތުރު ކޮރަލްސް މަސްރޭހުން އެއްވަނަ 'ވަރަށް ތާޒާ' އަށް
