ކައުންސިލުން ރާވާފައިވާ ހަރަކާތްތަކާއި ނިންމުންތައް ހިއްސާކުރުމަށް މިރޭ ރައްޔިތުންނާ ބައްދަލުކުރަނީ

ކުޅުދުއްފުށީ ސިޓީ ކައުންސިލުން ކުރިއަށް ރޭވިފައިވާ ހަރަކާތްތަކާއި، މުހިއްމު ނިންމުންތައް ހިއްސާ ކުރުމުގެ ގޮތުން މިރޭ ރައްޔިތުންނާއި ބައްދަލުކުރުމަށް ނިންމައިފި އެވެ.

އެކައުންސިލުން ބުނީ މި ބައްދަލުވުމުގައި އިދާރާގެ ރިޕޯޓްވެސް ރައްޔިތުންނާއި ހިއްސާކުރުމަށް ހަމަޖެހިފައިވާކަމަށެވެ. މި ބައްދަލުވުން އޮންނާނީ މިރޭ 8:30 ގައި ހދ އަތޮޅު ތައުލީމީ މަރުކަޒު ހޯލުގައެވެ.

ކައުންސިލުން ބުނީ ރަށުން ކޮވިޑް ކޭސްއެއް ފެނި ހާލަތު ގޯސްވެއްޖެނަމަ ބައްދަލުވުން ކުރިއަށްގެންދާނީ އޮންލައިންކޮށް ކަމަށާއި އެހެންވެއްޖެނަމަ އެކަމުގެ ތަފްސީލް އެކައުންސިލްގެ ސޯޝަލް މީޑިއާ މެދުވެރިކޮށް ހިއްސާކުރާނެ ކަމަށެވެ.

މީގެ ކުރިންވެސް އެކައުންސިލުން ވަނީ ކުރިއަށް އޮތް ފަސް އަހަރުގެ ތަރައްގީގެ ޕްލޭން އަދި ލޭންޑް ޔޫސް ޕްލޭން ފާސް ކުރުމުގެ ކުރިން ރައްޔިތުންނާ މައުލޫމާތު ހިއްސާކުރުމަށް ބައްދަލުވުމެއް ބާއްވާފައެވެ.