ފެނަކަ ހޯރަފުށި ބްރާންޗްގެ އާ އޮފީހުގެ ބިންގާ އަޅައިފި

ފެނަކަ ހޯރަފުށީ ބްރާންޗްގެ އާ އޮފީހުގެ ބިންގާ އަޅައިފި އެވެ. މިރަސްމިއްޔާތު ކުރިއަށް ގޮސްފައިވަނީ މި ސެޕްޓެމްބަރުމަހުގެ 3 ވަނަ ދުވަހު އެވެ.

ބިންގާ އެޅުމަށް ބޭއްވި ރަސްމިއްޔާތުގައި ހޯރަފުށީ ދާއިރާގެ ރައްޔިތުންގެ މަޖިލީހުގެ މެމްބަރު އަހުމަދު ސަލީމް އާއި ފެނަކަ ކޯޕަރޭޝަންގެ އެމްޑީ އަހުމަދު ސައީދު އަދި ހޯރަފުށީ ކައުންސިލްގެ މެމްބަރުންގެ އިތުރުން ސަރުކާރުގެ އޮފިޝަލުން ވަނީ ބައިވެރިވެފަ އެވެ.

އަލަށް އިމާރާތްކުރާ މިއޮފީހުގެ ބިންގާ އަޅުއްވައިދެއްވީ ފެނަކަ އެމްޑީ ސައީދު އާއި ހޯރަފުށީ ދާއިރާގެ މެމްބަރު ސަލީމެވެ.

ހޯރަފުށި ބްރާންޗްގެ އައު އޮފީސް އިމާރާތުގެ ބިންގާ އެޅުމުގެ ރަސްމިއްޔާތު #ޓީމްފެނަކަ @TeamFenaka pic.twitter.com/HnLP8ZN7R2

— ހއ. ފެނަކަ (@FNKHaaAlif) September 3, 2021

ފެނަކައިން ބުނެފައިވަނީ މި އިމާރާތް ނިމުމުން އެރަށުގައި ކުރިން ހިންގަމުން އައި އޮފީސް އިމާރާތް އާ އިމާރާތަށް ބަދަލުކުރެވިގެން ދާނެ ކަމަށެވެ. މިއިމާރާތް އެޅުމުން ހުރިހާ ހިދުމަތެއް ފުރިހަމަ ކަމާއި އެކު ރައްޔިތުންނަށް ދެވިގެން ދާނެ ކަމަށާއި މިއީ އޮފީހުގައި މަސައްކަތް ކުރާ މުވައްޒަފުންނަށް ފަސޭހަ ތަނަކަށް ވެގެން ދާނެ ކަމަށްވެސް ފެނަކައިން ބުންޏެވެ.

އަދި މި އާ އިމާރާތަކީ ފެންވަރުގެ ގޮތުން ބެލިކަމުގައިވިއަސް ރަނގަޅު އިމާރާތަކަށް ވެގެން ދާނެކަމަށް ފެނަކައިން ބުނެ އެވެ.