ކޮވިޑްގައި މަރުވި މީހުންގެ އަދަދު 227 އަރައިފި

ރ. ދުވާފަރުން ކޮވިޑަށް ޕޮސިޓިވްވެގެން އިތުރު ފަރުވާއަށް ހުޅުމާލެ މެޑިކަލް ފެސިލިޓީއަށް ގެނައި އުމުރުން ދުވަސްވީ މީހަކު މަރުވެއްޖެއެވެ.

މިއީ މި ބަލީގައި ދުވާފަރުން މަރުވި ހަތްވަނަ މީހާއެވެ. އަދި މި ބަލީގައި ރާއްޖެއިން މަރުވި 227ވަނަ މީހާއެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ހުޅުމާލޭ މެޑިކަލް ފެސިލިޓީގައި ކޮވިޑަށް ފަރުވާ ހޯދަމުންދިޔަ އުމުރުން 80 އަހަރުގެ ދިވެހި ފިރިހެނަކު އިއްޔެ 3:35 ހާއިރު މަރުވެފައިވާ ކަމަށެވެ.

މި ބަލީގައި އެންމެ ގިނަ މީހުން މަރުވެފައިވަނީ މި އަހަރުގެ މެއި މަހުއެވެ.