ް

ކޮވިޑް-19 އާ ގުޅިގެން ރާއްޖޭން ކުރަމުން ގެންދާ ހަރަދުތައް ހަތަރު ބިލިއަނަށްވުރެ މައްޗަށް ގޮސްފައިވާކަމަށް ފިނޭންސް މިނިސްޓްރީން ބުނެފި އެވެ.

ފިނޭންސް މިނިސްޓްރީގެ "ކޮވިޑް-19 ސްޕެންޑިން ރިޕޯޓް" ގައިވާ ގޮތުން ކޮވިޑާއި ގުޅިގެން ސިއްހީ ކަންކަމުގައި ކޮށްފައިވާ ހޭދަ ވަނީ ދެ ބިލިއަނަށްވުރެ މަތިވެފައިވާ ކަމަށެވެ. އެގޮތުން މިދިޔަ ހަފުތާގައި ކުރި ހޭދަވަނީ 0.2 ޕަސެންޓް އިތުރުވެފަ އެވެ.

ކޮވިޑްގައި އެންމެ މަތިން ހަރަދުކޮށްފައިވާ އިދާރާތައް:

- ޑިޒާސްޓާ މެނޭޖުމަންޓް: 869.6 މިލިއަން
- މިނިސްޓްރީ އޮފް ހެލްތް: 773.4 މިލިއަން
- އައިޖީއެމްއެޗް: 192.3 މިލިއަން
- މިނިސްޓްރީ އޮފް ޑިފެންސް: 67.6 މިލިއަން
- ނޭޝަނަލް ޕްލޭނިން: 40.8 މިލިއަން

އެންމެ މަތިން ހޭދަ ކުރި ތާއިރާތައް:

- ތަކެތި ގެންނަން: އެއް ބިލިއަން
- ކެޕިޓަލް އިކްއިޕްމަންޓް: 201.8 މިލިއަން
- އޮޕަރޭޝަނަލް ސާވިސް: 204.7 މިލިއަން
- އެލަވަންސް: 170.3 މިލިއަން
- ގްރާންޓް، ކޮންޓްރިބިއުޝަން އެންޑް ސަބްސިޑީސް: 160.4 މިލިއަން

މިހާތަނަށް ބޭނުންވާ ތަކެތި ގެންނައުމަށް ކުރި ހޭދަވެސް އެއް ބިލިއަނަށް ވުރެ އުތުރުވެފައިވާއިރު މިދިޔަ ހަފުތާގެ ހޭދައިގެ ތެރެއިން ބޮޑުބައެއް ކޮށްފައި ވަނީ ހިލޭ އެހީ އާއި ސަބްސިޑީގެ ބަޖެޓުންނެވެ. އަދި އެންމެ މަތިން ހޭދަ ކޮށްފައި ވަނީ ނޭޝަނަލް ސޯޝަލް ޕްރޮޓެކްޝަން އެޖެންސީ އަށެވެ.