މުއްދަތު ހަމަވާ ގަވައިދުތަކަށް އަމަލުކުރުމުގެ މުއްދަތު އަނެއްކާ ވެސް އިތުރުކޮށްފި

މުއްދަތު ހަމަވާ ގަވައިދުތަކަށް އަމަލުކުރުމުގެ މުއްދަތު އަނެއްކާ ވެސް އިތުރުކޮށްފި އެވެ. އެއީ އާންމު ގަވައިދާ ބެހޭ ގާނޫނުގެ ޖަދުވަލް އެކަކާއި ދޭއްގައިވާ ގަވައިދުތަކުގެ ތެރެއިންނެވެ.

މީގެ ކުރިން މިގަވައިދަށް އަމަލުކުރުމަށް ފާސްކޮށްފައި އޮތީ މި އަހަރުގެ ސެޕްޓެމްބަރު މަހުގެ ނިޔަލަށެވެ. އެހެން ނަމަވެސް މުއްދަތު އިތުރުކުރުމާ ގުޅޭ ގޮތުން މަޖިލީހުގެ ގަވައިދު ކޮމިޓީން ހުށަހަޅާފައިވާ ރިޕޯޓުގައި ވަނީ އަންނަ އަހަރުގެ ސެޕްޓެމްބަރު މަހުގެ ނިޔަލަށް ގަވައިދަށް އަމަލުކުރަން ފާސްކޮށްފަ އެވެ.

ކޮމިޓީގެ ރިޕޯޓު ފާސްކޮށްފައިވަނީ 43 މެމްބަރުންގެ ވޯޓުންނެވެ.

ގަވައިދުތަކަށް އަމަލު ކުރުމުގެ މުއްދަތު މަޖިލީހުން އިތުރުކުރި މީ 14 ވަނަ އަހަރެވެ.