މި އަހަރުގެ މިހާތަނަށް ހަރަދުގެ ގޮތުގައި 20 ބިލިއަން ރުފިޔާ ދައުލަތުގެ ބަޖެޓުން ހަރަދުކޮށްފައިވާ ކަމަށް ފިނޭންސް މިނިސްޓްރީގެ ތަފާސް ހިސާބުތަކުން ދައްކައިފި އެވެ.
އެގޮތުން މިދިޔަ މަހުގެ 23 ވަނަ ދުވަހުގެ ނިޔަލަށް ބަޖެޓުން 20,7 ބިލިއަން ރުފިޔާ ވަނީ ހަރަދުކޮށްފައެވެ. މި ހަރަދުގެ ތެރެއިން ރިކަރަންޓް ހޭދައަށް 15 ބިލިއަން ރުފިޔާ ހޭދަ ކޮށްފައިވެ އެވެ.
ރިކަރަންޓް ހަރަދުގެ ތެރޭގައި ހިމެނޭ މުސާރަ ދިނުމަށް 6.9 ބިލިއަން ރުފިޔާ އަދި އެޑްމިނިސްޓްރޭޓިވް އެކްސްޕެންސަސް ތަކަށް 8.6 ބިލިއަން ރުފިޔާ ވަނީ ހޭދަވެފަ އެވެ. އަދި ލޮކްސް އާއި ރައިޓް އޮފްގެ ބަޔަކަށް 221.4 މިލިއަން ހޭދަ ކޮށްފައިވެ އެވެ.
ފިނޭންސް މިނިސްޓްރީން ބުނި ގޮތުގައި މިހާތަނަށް ދައުލަތުގެ ބަޖެޓަށް އާމްދަނީގެ ގޮތުގައި ލިބުނީ 12.9 ބިލިއަން ރުފިޔާ އެވެ. މިހާތަނަށް ޓެކުހުގެ ގޮތުގައި 9,3 ބިލިއަން އަދި ޓެކްސް ނޫން ގޮތް ގޮތުން 3.1 ބިލިއަން ރުފިޔާ ލިބިފައިވާއިރު، ހިލޭ އެހީގެ ގޮތުގައި ލިބިފައި ވަނީ 394.4 މިލިއަން ރުފިޔާ އެވެ. މި އަހަރު ބަޖެޓުގެ ގޮތުގައި ކަނޑަައަޅާފައިވަނީ 33.4 ބިލިއަން ރުފިޔާއެވެ.
ނަޝީދަށް އިންސާފު ނުލިބި ގިނަދުވަސްވުމަކީ ލަދުވެތިކަމެއް
ކުރެވޭ ކުށުގެ ނާޖާއިޒު ފައިދާ ނަގަން ވީޑިއޯކޮށް ފަލީހަތްކޮށްގެން ނުވާނެ
ސިންގަޕޫރު ދަތުރުފުޅަށް ފަހު ރައީސްގެ ދެކަނބަލުން އެނބުރިވަޑައިގެންފި
ގަވައިދާ ހިލާފަށް މަގުތަކާއި އާންމު ތަންތަނުގައި ހުރި ތަކެތި ނަގަން ފަށައިފި
