އަންހެނުންގެ ކޮމެޓީން އިސްނަގައިގެން އިސްރަށްވެހީންނަށް ހާއްސަ ހަރަކާތެއް ބާއްވަނީ

އަންހެނުންގެ ކޮމެޓީން އިސްނަގައިގެން އިސްރަށްވެހީންނަށް ހާއްސަ ހަރަކާތެއް ބާއްވަން ނިންމައިފި އެވެ. މިހަރަކާތް ކުރިއަށް ގެންދަން ހަމަޖެހިފައިވަނީ ރެޑް ކުރެސެންޓް ހދ ބުރާންޗާއި ކުޅުދުއްފުށީ ކޮމިއުނިޓީ ސެންޓަރާ ގުޅިގެންނެވެ.

މި އިވެންޓުގެ ތެރެއިން އިސްރަށްވެހީންނަށް ހާއްސަކޮށްގެން ގިނަ ހަރަކާތްތަކެއް ކުރިއަށް ގެންދިއުމަށް ވަނީ ހަމަޖެހިފަ އެވެ. އޭގެތެރޭގައި އުމުރާ ގުޅޭ ގޭމްތަކާއި ހުނަރު ދައްކާލުމުގެ ހަރަކާތްތައް ކުރިއަށް ދާނެ އެވެ. އަދި ބްލަޑް ޕްރެޝާރ ބެލުމާއި ބަރުދަން ބެލުން ފަދަ ހަރަކާތްތައް ވެސް ކުރިއަށް ގެންދިއުމަށް ވަނީ ހަމަޖެހިފަ އެވެ.

މިއިވެންޓްގައި ސްޓޯލްތަކެއްވެސް ގާއިމްކުރެވިފައިވާނެ ކަމަށްވެސް ޑަބްލިއުޑީސީން މައުލޫމާތުދެ އެވެ.

މޫސުން ތަންދޭނަމަ މިހަރަކާތް ކުރިއަށް ގެންދިއުމަށް ހަމަޖެހިފައިވަނީ މިމަހުގެ 8 ވާ ހުކުރު ދުވަހުގެ ހަވީރު 4 ޖަހާއިރު ކުޅުދުއްފުށީ ޒޯން ސްޓޭޑިއަމްގަ އެވެ. އެއީ އިސްރަށްވެހީންގެ ދުވަހެވެ.