އެސްޓީއޯއިން ވިއްކާ ޑީސަލާއި ޕެޓްރޯލްގެ އަގު ބޮޑުކޮށްފި

އެސްޓީއޯއިން ވިއްކާ ޑީސަލާއި ޕެޓްރޯލްގެ އަގު އަނެއްކާވެސް ބޮޑުކޮށްފިއެވެ.

އެސްޓީއޯއިން ބުނީ މިހާރު ދުނިޔޭގެ ތެލުގެ އަގު ހުރީ ފާއިތުވި ހަތް އަހަރު ތެލުގެ އަގު ބޮޑުނުވާ މިންވަރަށް ބޮޑުވެފައިކަމަށެވެ.

އެހެންކަމުން އެކުންފުނިން ވިއްކާ ޑީސަލާއި ޕެޓްރޯލް އަގުބޮޑުކުރަން ޖެހުނީ ދުނިޔޭގެ ބާޒާރުގައި ތެލުގެ އަގަށް އައިސްފައިވާ ބޮޑު ބަދަލާއެކު އެ ކުންފުންޏަށް ތެޔޮ ގަންނަން ލިބޭ އަގުވެސް ބޮޑުވުމުން ކަމަށް އެސްޓީއޯއިން މައުލޫމާތު ދެއެވެ.

އެގޮތުން މިއަދުން ފެށިގެން ޕެޓްރޯލް ލީޓަރެއް ލިބޭނީ 11.16 ރުފިޔާއަށް އަށް އަދި ޑީސަލް ލީޓަރެއް 11.84 ރުފިޔާއަށް ކަމަށް އެސްޓީއޯއިން މައުލޫމާތުދެއެވެ.

މިހާރު ދުނިޔޭގެ ބާޒާރުގައި ސާފު ނުކުރާ ތެޔޮ ފީފާއެއްގެ އަގު ވަނީ 83.65 ޑޮލަރަށް އަރާފައެވެ. އެންމެ ފަހުން ސާފު ނުކުރާ ތެޔޮ ފީފާއެއްގެ އަގު 80 ޑޮލަރަށް ވުރެ މަތިވީ 2018ގެ އޮކްޓޫބަރު މަހުގައެވެ.