އިތުރު ހަރަދުތައް ހަމަޖައްސަން 2.24 ބިލިއަން ރުފިޔާގެ ސަޕްލިމަންޓްރީ ބަޖެޓެއް

މި އަހަރަށް ފާސް ކޮށްދީފައިވާ ބަޖެޓުން ހަރަދުތައް ހަމަނުޖެއްސިގެން އިތުރު ހަރަދުތައް ހަމަޖައްސަން 2.24 ބިލިއަން ރުފިޔާގެ ސަޕްލިމެންޓްރީ ބަޖެޓެއް ހުށަހަޅައިފި އެވެ.

ސަޕްލިމަންޓްރީ ބަޖެޓު ހުށަހަޅާފައި ވަނީ އަންނަ އަހަރަށް ލަފާކޮށް މިދިޔަ އާދީއްތަ ދުވަހު ހުށަހެޅި ބަޖެޓާއެކު އެވެ. މި އަހަރުގެ ބަޖެޓުން ހަމަ ނުޖެއްސިގެން ސަޕްލިމެންޓްރީ ބަޖެޓް ހުށައެޅުމުން މި އަހަރުގެ ޖުމްލަ ބަޖެޓު 37.1 ބިލިއަން ރުފިޔާއަށް އަރާނެ އެވެ.

މިދިޔަ އަހަރު ބަޖެޓު ހުށަހެޅި އިރު އާމްދަނީ ހޯދަން އިތުރުކުރާ ކަންކަމާއެކު އާމްދަނީ އާއި ހިލޭ އެހީގެ ގޮތުގައި 21 ބިލިއަން ރުފިޔާ ލިބޭނެ ކަމަށް ލަފާކުރި ނަމަވެސް އެ އަދަދާ ގާތަށް ވެސް މިއަހަރު އާމްދަނީ އެއް ނުލިބެއެވެ. އަދި ކޮވިޑާ ގުޅިގެން ހަރަދުތައް ވެސް ވަރަށް ބޮޑުތަން މިއަހަރު އިތުރުވި އެވެ.

ފިނޭންސް މިނިސްޓްރީގެ ހިސާބުތަައް ދައްކާގޮތުން މިއަހަރު 20 ބިލިއަން ރުފިޔާއަށް ވުރެ ގިނަ ފައިސާ ވަނީ ހޭދަކޮށްފަ އެވެ.

އަންނަ އަހަރަށް ލަފާކޮށް 36.9 ބިލިއަން ރުފިޔާގެ ބަޖެޓެއް މަޖިލީހަށް ވަނީ ހުށަހަޅައިފައެވެ.