އިދިކޮޅުގެ މަސައްކަތް އެހެން ގިޔަރަކަށް މަތިކުރާނަން: ޔާމީން

އިދިކޮޅު ކޯލިޝަނުން ކުރަމުން އަންނަ މަސައްކަތް މިހާރު ހުރި ގިޔަރަށްވުރެ މަތީ ގިޔަރަަކަށް ޖައްސާނެ ކަމަށް އިދިކޮޅުގެ ލީޑަރު އަދި ކުރީގެ ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.

ޕީޕީއެމްގެ ޖަގަހަ ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ދިވެހީން ގަބޫލުކުރަމުން އައި އުސޫލުތައް ދަމަހައްޓާނެ އަދި ދެމެހެއްޓުމަށް މަސައްކަތް ކުރާނެ ހަމައެކަނި ފިކުރަނީ ޕްރޮގްރެސިވް ކޮންގްރެސްގެ ފިކުރު ކަމަށެވެ. އަދި މިއަދު ރާއްޖޭގެ ހާލަތު އޮތް ހިސާބުން އެކަން ދިވެހި ރައްޔިތުން ބަލައިގެންފައިވާ ކަމަށެވެ.

ޔާމީން ވިދާޅުވީ ރާއްޖޭގެ ހާލަތާމެދު ކަންބޮޑުވެވަޑައިގަންނަވާ ކަމަށާ އެ ހާލަތު ބަދަލު ކުރުމަށް ޕީޕީއެމް އާއި ޕީއެންސީން ކުރަމުން ގެންދަނީ ޝުކުރު ހައްގު މަަސައްކަތްތަކެއް ކަމަށެވެ. އެމަނިކުފާނާއެކު އިދިކޮޅުގެ މަސައްކަތް އެހެން ގިޔަރަކަށް މަތިކުރައްވާނެ ކަމަށެވެ.

ރޭގެ ޖަލްސާއަކީ ރައީސް ޔާމީން މިނިވަން ކުރުމަށް އިދިކޮޅުގެ ސަޕޯޓަރުން ކުރި މަސައްކަތަށް ޝުކުރު ދެންނެވުމަށް ބޭއްވި ޖަލްސާއެކެވެ. އެހެން ކަމުން ޖަލްސާގައި ވާހަކަ ދެއްކެވީވެސް އެމަނިކުފާނު އެކަންޏެވެ.