އުގްލީ ޕޯސްޓަރުގައި ކަންގްނާ ނެތުމުން ކަރަން ހޫނުފެނަށް

ޕްރޮޑިއުސަރު އަދި ޑައިރެކްަޓަރު ކަރަން ޖޯހަރާ ބަތަލާ ކަންގްނާ ރަނާވަތާ ދެމެދު އޮންނަ ކޯޅުމަކީ އަބަދުވެސް ވައިގައި ހިފާފައި އޮންނަ ވާހަކައެކެވެ. ދެމީހުން ދެމީހުނަން ވަށްބަހުން ޖެހުމާއި ފާޅުކަންބޮޑުކޮށް އެކި ޕްލެޓް ފޯމްތަކުގައި އެދެމީހުންވަނީ ދެމީހުންނަށް ފާޑުކިޔައި ވާހަކަ ދައްކާފައެވެ.

މިފަހުންވެސް ކަރަން ކޮށްގެން އުޅޭކަމަކުން ކަންގްނާގެ ފޭނުން ދަނީ އޭނާއާށް ވަަރަށް ބޮޑަށް ފާޑުކިޔަމުންނެވެ. އެއީ 2014 ވަނަ އަހަރު ދަރްމާއިން ޕްރޮޑިއުސްކުރި ފިލްމު އުގްލީއަށް 7 އަހަރު ފުރުމާއި ގުޅިގެން އެ ފިލްމުގެ ޕޯސްޓަރު ޝެއާރ ކުރިއިރު ކަންގްނާ ފޯސްޓަރުން ކަނޑާލާފައި ހުރުމުންނެވެ.

އެ ފޯސްޓަރުގައި ކަންގްނާ ފިޔަވާ ފިލްމުގެ އެހެން ހުރިހާ ތަރިން ތިއްބެވެ. މިކަމާ ގުޅިގެން ކަންގްނާ ފޭނުން އަންނަނީ ކަރަން މިކަހަލަ ކަމެއް ކުރަން ލަދުގަންނަން ޖެހޭނެކަމަށް ބުނަމުންނެވެ.

މި ފިލްމަކީ ރެންސިލް ޑިސިލްވާ ޑައިރެކްޓްކޮށް 2014 ވަނަ އަހަރު ނެރުނު ފިލްމެކެވެ. މިއީ ބޮކްސް އޮފީހުގައިވެސް ކާމިޔާބު ފިލްމެކެވެ. ކަންގްނާގެ އިތުރުން ދެން ފިލްމުގައި ހަރަކާތްތެރިވީ ރަންދީޕް ހޫޑާ، އިމްރާން ހާޝިމީ، ސަންޖޭ ދަތް، އަންގަދް ބޭދީ އަދި ނެއިލް ބޫޕަލަމެވެ.