މިދިޔަ މަހު ސްރީލަންކާގައި ކުރިއަށްދިޔަ މަހިންދަ ރާޖަޕަކްސަ އިންވިޓޭޝަނަލް ކަޕުގައި ރާއްޖެއާއި ސީޝެލްސް ކުޅުނު މެޗުގައި އެ ޓީމުގެ ކުޅުންތެރިއަކަށް ދިން ހަމަލާއާ ގުޅިގެން ރާއްޖޭ ޓީމުގެ އަސްހަދު އަލީ (އަޑުބަރޭ) ހަ މެޗަށް ސަސްޕެންޑްކޮށް 12،000 ރުފިޔާއިން ޖޫރިމަނާކޮށްފި އެވެ.
އަޑުބަރޭ ހަމަލާ ދިން މައްސަލައިގައި އެފްއޭއެމުގެ ޑިސިޕްލިނަރީ ކޮމިޓީން ވަނީ ޑިސިޕްލިނަރީ ކޯޑުގެ 37 ވަނަ މާއްދާގެ ދަށުން 12،000 ރުފިޔާއިން ޖޫރިމަނާކޮށްފައެވެ. މީގެއިތުރުންއިދިކޮޅު ކުޅުންތެރިއެއްގެ ހަށިގަނޑަށް ގެއްލުންވާ ފަދަ ހަމަލާއެއް ދީފައިވާތީ އާއި ގައުމީ ޓީމުގެ ކުޅުންތެރިއެއްގެ ގޮތުގައިހުރެ ގައުމު ތަމްސީލުކުރި މެޗެއްގައި އެފަދަ އަމަލެއް ހިންގާފައިވާތީ އޭނާ ވަނީ ހަ މެޗަށް ސަސްޕެންޑުކޮށްފައެވެ.
ރާއްޖެއާއި ސީޝެލްސް ކުޅުނުމެޗުގެ އިތުރު ވަގުތުގެ ތެރޭގައި ކުޅެން ނުކުން އަޑުބަރޭ ވަނީ ކުޅެން ނުކުތްތާ 30 ސިކުންތުގެ ތެރޭގައި ރަތް ކާޑެއް ހޯދައިފައެވެ.
އަސްހަދުގެ ރަތްކާޑާ ގުޅިގެން ގިނަބަޔަކު އޭނާއަށް ފާޑު ކިޔާފައިވާ އިރު، މިދިޔަ މަހުގެ ތެރޭގައި އެ މައްސަލަ ބަލައި، އޭނާއަށް ފިޔަވަޅު އަޅާނެ ކަން އެފްއޭއެމުން ވަނީ ހާމަކޮށްފައެވެ.
އަސްހަދަކީ މީގެ ކުރިން ވެސް އަހުލާގީ މައްސަލަތައް ގިނަ ކުޅުންތެރިއެކެވެ.
އެފްއޭއެމްގެ ޑިސިޕިލިނަރީ ކޮމިޓީގެ ނިންމުމުގައި ވަނީ ސީޝެލްސްގެ ކެޕްޓަން ސްޓީވް ބެނޯއީގެ ކަރުމަތީގައި އަސްހަދު ޖަހާފައި ވަނީ "ފްރަސްޓޭޓް" ވެގެން ކަމަށް ދިފާއުގައި އަސްހަދު ބުނެފައިވާ ކަމަށެވެ. ޑިސޕްލިނަރީ ކޮމިޓީން ބުނީ އެއީ ދިފާއެއް ކަމަށް ގަބޫލު ނުކުރެވޭ ކަމަށެވެ.
ރައީސް ޔާމީން މިނިވަންކުރަން ހައިކޯޓުން ހުކުމްކޮށްފި
ކުޅުދުއްފުށީ ޕީޕީއެމް ދެކުނު ދާއިރާގެ ރައީސް، އަލީ ވަހީދު އެންޑޯޒްކޮށްފި
މުޖުތަބާއަށް ތާއިދު ހޯދުމަށް ރައީސް ޔާމީންގެ ދަރިކަލުން ކުޅުދުއްފުށީގައި
ހަނިމާދުއާއި ޓްރިވެންޑްރަމާ ދެމެދުގެ ދަތުރުތައް އަލުން ފަށައިފި
