މައިލޯ ނެޝަނަލް ނެޓްބޯލް ޓޯނަމެންޓު ފިރިހެން ޑިވިޝަންގެ ޗެމްޕިއަންކަން ކޭވައިއާރްސީ ކާމިޔާބުކޮށްފި

މައިލޯ ނެޝަނަލް ނެޓްބޯލް ޓޯނަމެންޓުގެ ފިރިހެން ޑިވިޝަންގެ ޗެމްޕިއަންކަން ކުޅުދުއްފުށި ޔޫތް އެންޑް ރެކްރިއޭޝަން (ކޭވައިއާރްސީ) އިން ކާމިޔާބުކޮށްފި އެވެ.

ކޭވައިއާރުސީ ޗެމްޕިއަންކަން ހޯދީ ރޭ ކުޅުނު އެ މުބާރާތުގެ ފައިނަލް މެޗުގައި ކްލަބް މެޓްރިކްސް އާ ބައްދަލުކޮށް، މެޗު ކާމިޔާބުކޮށްގެން ނެވެ. އެ މުބާރާތް ކޭވައިއާރުސީ ކާމިޔާބުކޮށްފައިވަނީ ކުޅެވުނު އެއްވެސް މެޗަކުން ބަލިނުވެ އެވެ.

އެ ޓީމުން ފައިނަލް މެޗު ކާމިޔާބުކޮށްފައިވަނީ 30 ޕޮއިންޓު 27 ޕޮއިންޓުން ނެވެ.

މި މުބާރާތުގެ އެންމެ މޮޅު ހަތް ކުޅުންތެރިންނަށް ހޮވުނީ:

މި މުބާރާތުގެ ފިރިހެން ބައިގާ ވާދަކޮށްފައިވަނި ސްކައިލާރކް، ކޭވައިއާރްސީ އަދި މެޓްރިކްސް އެވެ.

މިއަހަރުގެ މުބާރާތުގައި މިރޭ ކުޅޭނީ އަންހެން ޑިވިޝަން ގެ ފައިނަލް މެޗެވެ. ކޭވައިއާރްސީ އާއި ގްރީން ސްޓްރީޓްސް ބައްދަލުކުރާ މި މެޗު ފަށާނީ މިރޭ 20:30 ގަ އެވެ.

ކޭވައިއާރުސީން ވަނީ މިދިޔަ މަހު 10 ޓީމް ބައިވެރިވެގެން ބޭއްވި ނެޓްބޯލް އެސޯސިއޭޝަން ޗެމްޕިއަންޝިޕް މުބާރާތްވެސް ކާމިޔާބުކޮށް ޗެމްޕިއަންކަން ހޯދާފަ އެވެ.