މި އަހަރު ލޯނު ދައްކަން ހޭދަކުރި އަދަދު އެއް ބިލިއަން ރުފިޔާ ފަހަނަ އަޅާފައިވަކަމަށް ފިނޭންސް މިނިސްޓްރީން ނެރޭ ދައުލަތުގެ ހަފުތާގެ މާލީ ރިޕޯޓް ދައްކައިފި އެވެ.
މާލީ ރިޕޯޓް ދައްކާ ގޮތުން މިމަހުގެ ނުވަވަނަ ދުވަހުގެ ނިޔަލަށް ލޯނު ދައްކަން ހޭދަކުރި އަދަދު ވަނީ 1,015.5 އަށް އަރާފަ އެވެ. ދައުލަތުން މިިދިޔަ އަހަރު ލޯނު ދައްކަން ހޭދަކޮށްފައިވަނީ 852.6 މިލިއަން ރުފިޔާ އެވެ. އަދި މި އަހަރު ލޯނު ދައްކަން ހޭދަކުރާނެ ކަމަށް ލަފާކޮށްފައިވަނީ 3.7 ބިލިއަން ރުފިޔާ އެވެ.
އަންނަ އަހަރުގެ ބަޖެޓުގެ ދަރަނި ހުންނާނެ ކަމަށް މިހާރު އަންދާޒާކޮށްފައިވަނީ 9.7 ބިލިއަން ރުފިޔާ އެވެ. އަދި މި ހަރަދު ފޫބައްދަން އަންނަ އަހަރުގެ ބަޖެޓް ފައިނޭންސް ކުރަން 13.4 ބިލިއަން ރުފިޔާ ހޯދަން ޖެހެ އެވެ.
އޭގެތެރޭގައި ހިމެނެނީ ދަރަނީގެ ގޮތުގައި ހިމެނޭ 9.7 ބިލިއަން ރުފިޔާ އާއި ލޯނު އަނބުރާ ދެއްކުމަށް ބޭނުންވާ 2.9 ބިލިއަން ރުފިޔާ އާއި އެހެނިހެން ގޮތްގޮތުން ބޭނުންވާ 805 މިލިއަން ރުފިޔާ އެވެ.
އަންނަ އަހަރަށް ހޯދަން ޖެހޭ ފައިނޭންސްގެ ތެރެއިން 7.5 ބިލިއަން ރުފިޔާ ބޭރުގެ މީހުންގެ އަތުން ހޯދުމަށް އަންނަ އަހަރުގެ ބަޖެޓުގައި ވަނީ ކަނޑައަޅާފަ އެވެ. އަދި އެތެރޭގެ މީހުންގެ އަތުން 5.9 ބިލިއަން ރުފިޔާ ހޯދުމަށް ބަޖެޓްގައި ވަނީ ކަނޑައަޅާފަ އެވެ.
ކުޅުދުއްފުށީގައި ފުލުހުން ހިފަހައްޓާފައި ހުރި ބޮގަރާއި ބަނގުރާފުޅިތަކެއް ނައްތާލައިފި
ރަށު ކައުންސިލްތަކަށް ބަގީ ދިނުމަށް އަތޮޅު ކައުންސިލުން ނިންމައިފި
ކުޑަކުދިންގެ ދުވަސް ފާހަގަކުރަން ކުޅުދުއްފުށީ ސްކޫލްތަކުގައި ބޭއްވި ހަވީރު
ނޭކުރެންދޫގައި އަތޮޅު ފެންވަރުގައި ފާހަގަކުރި ކުޑަކުދިންގެ ހަވީރު
