ފޮޓޯޝޫޓެއްގައި އޭނާ ވައްތަރީ މޭވާއަކާ ކަމަށް އަނަންޔާ ބުނެފި

އެންމެފަހުން ނެގި ފޮޓޯޝޫޓްގައި އޭނާ ވައްތަރީ މޭވާއަކާ ކަމަށް ބޮލީވުޑްގެ އަރަމުން އަންނަ ޒުވާން ތަރި އަނަންޔާ ޕާންޑޭ ބުނެފި އެވެ.

އަނަންޔާ މިހެން ބުނެފައިވަނީ ޝޫޓްގެ ފޮޓޯތަކާއެކު އޭނާ އިންސްޓަގްރާމްގައި ހިއްސާކުރި އޭނާގެ އަމިއްލަ މީމްއާ އެކުގަ އެވެ. އަދި މީމް ޝެއާރ ކުރުމުގެ އިތުރުން އަނަންޔާ ވަނީ މީމްއަށް ހުނުމުގައި އޭނާގެ ރައްޓެހިންނާ އެކުވެ ސަމާސާކޮށްފަ އެވެ.

އެންމެފަހުން އަނަންޔާ ބޭއްވި ފޮޓޯޝޫޓްގައި އޭނާ ހުރީ ހުދު ސްވިމް ސޫޓެއްގައި އެތެރެ ފެންނަ މެޝް ގައުންއެއްގަ އެވެ. މިފޮޓޯތަކާ އެކު އަނަންޔާ ހިއްސާކޮށްލީ މެޝް ކަވަރެއް ތެރޭ އޮޅާލާފައި އޮތް އާފަލެކެވެ.

View this post on Instagram

A post shared by Ananya 💛💫 (@ananyapanday)

"އަހަރެންނަށް އެނގޭ އެ ނެޓް ވައްތަރު އެއްޗާ ހަމައަށް އަންނައިރު އަހަރެން ވައްތަރީ ފްރުޓަކާކަން." އަނަންޔާ ބުންޏެވެ.

އަނަންޔާ ޕާންޑޭ އަކީ މިހާރު ބޮލީވުޑްގައި އެންމެ އުހަށް ވާސިލްވުމަށް މަސައްކަތް ކުރަމުން އަންނަ ޒުވާން ފަންނާނެކެވެ. އޭނާގެ ފާހަގަކޮށްލެވޭ ފިލްމްތަކުގެ ތެރޭގައި އޭނާ ބޮލީވުޑަށް ތައާރަފްވި ސްޓޫޑެންޓް އޮފް ދި އިއާރ 2 ހިމެނެ އެވެ. މީގެ އިތުރުން އޭނާ ކުޅުނު އެހެން ފިލްމުތަކުގެ ތެރޭގައި ޕަތީ ޕަތްނީ އޯރ ވޯގެ ރީމޭކާއި ކާލީ ޕިލީ ހިމެނެއެވެ.