ރަޝިއާގެ ނޯޑްވިންޑް އެއާލައިންގެ ދަތުރުތައް ރާއްޖެއަށް

ރަޝިއާގެ ނޯރޑްވިންޑް އެއާލައިންގެ ދަތުރުތައް ރާއްޖެއަށް ފަށައިފިއެވެ. މި އެއާލައިންގެ ދަތުރުތައް ރާއްޖެއަށް ރަސްމީކޮށް ފަށާފައިވަނީ އިއްޔެ އެވެ.

މިއީ ރަޝިއާއިން ސީދާ ރާއްޖެއަށް ދަތުރުކުރާ އެއާލައިނެކެވެ. މި އެއާލައިނުން ހަފްތާއަކު ދެ ދަތުރު ރާއްޖެއަށް ކުރުމަށްވަނީ ހަމަޖެހިފައެވެ.

ނޯޑްވިޑް އެއާލައިންގެ ފްލައިޓް ރާއްޖެ އައުމުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ވަނީ އެ އެއާލައިނަށް މަރުހަބާ ކިޔާފަ އެވެ.

We're thrilled to welcome @NordwindAir to the #Maldives, all the way from Russia. 👏🏻😁
🇷🇺✈️🇲🇻#VisitMaldives#RedandStrong pic.twitter.com/XbhfJiHJ01

— VelanaAirport (@VelanaAirport) December 26, 2021

ރަޝިއާ އެއާލައިނެއްގެ ދަތުރުތައް ރާއްޖެއަށް ފެށިއިރު ރާއްޖެއަށް އެންމެ ގިނައިން ފަތުރުވެރިން ޒިޔާރަތް ކުރާ ގައުމުތަކުގެ ލިސްޓުގައި ރަޝިއާ އޮތީ ދެވަނައިގަ އެވެ. މިއަހަރުގެ ނޮވެމްބަރުގެ ނިޔަލަށް ރަޝިއާ އިން 204،813 ފަތުރުވެރިން ރާއްޖެ އައިސްފައިވެ އެވެ.

ރަޝިއާއިން ރާއްޖެ އަންނަ ޓޫރިސްޓުން އިތުރުވުމާ ގުޅިގެން ރަޝިއާގެ އެއާލައިނެއް ކަމަށްވާ އޭރޯފްލޮޓުން ރާއްޖެއަށް ކުރާ ދަރުތައް ވެސް އޮކްޓޫބަރު މަހުގެތެރޭގައި ވަނީ އިތުރު ކޮށްފައެވެ.