ފުލޫ ސާމްޕަލެއް ޕޮޒިޓިވްވެ ކުޅުދުއްފުށިން ކޮވިޑް-19 އަށް ޕޮޒިޓިވްވި މީހުންގެ އަދަދު 26 އަށް އަރާފައިވާކަމަށް ކުޅުދުއްފުށީ ރީޖަނަލް ހޮސްޕިޓަލުން ބުނެފި އެވެ.
ކޭއޯއަށް މައުލޫމާތު ދެމުން އޮފިޝަލަކު ވިދާޅުވީ މިއަދު ޕޮޒިޓިވްވެފައިވަނީ ރޯގާގެ އަލާމަތްތައް ހުރެގެން ފުލޫ ކުލިނިކަށް ދެއްކި މީހެއް ކަމަށެވެ. އެ މީހާއަކީ ވަރަށް ފަހުން މާލެ ދަތުރުކޮށްފައިވާ ފަރާތެއް ކަމަށްވެސް އޮފިސަލް ވިދާޅުވި އެވެ.
އޮފިސަލް ވިދާޅުވީ މި ކޭސްއާއި ގުޅިގެން ކޮންޓެކްޓް ޓްރޭސިންގެ މަސައްކަތް މިހާރު ކުރިއަށްދާކަމަށެވެ.
ގިނަދުވަސްތަކަކަށް ފަހު އެންމެ ފުރަތަމަ ކޮވިޑް ކޭހެއް ފެނުނީ މިމަހު 20 ވަނަ ދުވަހު އެވެ. އެ ހޮސްޕިޓަލުން ބުނީ މިހާތަނަށް ޖުމްލަ 28 ގެއެއްގައި 67 މީހަކު ވަނީ ކަރަންޓީން ކޮށްފައެވެ.
މީގެއިތުރުން ހދގެ އިތުރު ރަށްތަކުން ވެސް ކޮވިޑްގެ ކޭސްތައް ވަނީ ފެނިފަ އެވެ. އެގޮތުން ނައިވާދޫއިން ވަނީ 60 ޕޮޒިޓިވް ކޭހެއް ފެނިފަވާއިރު ހަނިމާދޫއިން 6 ކޭސް، ކިނބީން 7 ކޭސް، ނޮޅިވަރަންފަރުން 1ކޭސް އަދި ވައިކަރަދޫން 1 ކޭސް ވަނީ ފެނިފަ އެވެ.
ވީއޭއާރާއި ވަގުތު ބޭކާރު ކުރުން، ވޯލްޑްކަޕުގެ ގަވައިދު ބަދަލުވުމުގެ އަސްލު
ޗެއާޕާސަން އިންތިހާބުގައި ވަކި ކެންޑިޑޭޓަކަށް ތާއީދުކުރާކަން ހާމަކޮށްފައެއް ނުވާނެ
އެމެރިކާއަށް އެތެރެނުވެވި ރެފްރީއެއް، ގިނަ ބައެއްގެ ނުރުހުން ފީފާއަށް!
ޖަޕާނުން ހަދިޔާކުރި ފެންހިންދާ ޕަމްޕުތައް ރަށްރަށަށް ފޮނުވަން ފަށައިފި
