ރާއްޖޭން ކޮވިޑް ޖެހުނު މީހުންގެ އަދަދު 99،099 އަރައިފި

މިހާތަނަށް ރާއްޖެއިން ބަލި ޖެހުނު މީހުންގެ ޖުމުލަ އަދަދު 99،099އަށް އަރާފައިވާކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނެފި އެވެ.

އިއްޔެ އެކަނިވެސް މުޅި ރާއްޖޭން 593 މީހުން އަލަށް ކޮވިޑަށް ވަނީ ޕޮޒިޓިވްވެފައެވެ. އެޗްޕީއޭއިން ރޭ އާންމުކުރި މައުލޫމާތުން ދައްކާ ގޮތުގައި މާލެއިން 199 މީހުން ޕޮޒިޓިވް ވެފައިވާއިރު އަތޮޅުތެރޭގެ ރަށްރަށުން 197 މީހުން ޕޮޒިޓިވްވިއެވެ. ރިސޯޓުތަކުން 124 މީހުން ޕޮޒިޓިވްވެފައި ވެއެވެ.

މި ބަލި ޖެހިފައިވާ 4،320 މީހަކު މިވަގުތު ރާއްޖޭގައި ތިބިއިރު، އޭގެ ތެރެއިން 20 މީހަކަށް ފަރުވާ ދެމުން އަންނަނީ ހޮސްޕިޓަލްތަކުގައި އެނދުމަތިކޮށްގެންނެވެ.

ފާއިތުވި 24 ގަޑިއިރު ތެރޭގައި ރާއްޖެއިން 5،818 ސާމްޕަލް ނަގާފައިވާއިރު މާލެއިން 2،761 ސާމްޕަލް ނަގާފައި ވެއެވެ. ރާއްޖެއިން ކޮވިޑް ޖެހުނު މީހުންގެ ތެރެއިން މިއަދާ ހަމައަށް ބަލި މުޅިން ފަސޭހަވެފައިވާ މީހުންގެ ޖުމުލަ އަދަދަކީ 94،502އެވެ.

ކޮވިޑް ޖެހިގެން ރާއްޖެއިން މިހާތަނަށް 264 މީހުން ވަނީ މަރުވެފައެވެ.