ކޮވިޑް ފެތުރޭތީ އައިޑީކާޑު ހިދުމަތް އެޕޮއިންޓްމެންޓް އުސޫލުން ކުރިއަށްގެންދަނީ

ކުޅުދުއްފުށީ ސިޓީގައި ހަލުވިކަމާއެކު ކޮވިޑް-19 ފެތުރޭތީ އެ ސިޓީންދޭ ދިވެހި ރައްޔިތެއްކަން އަންގައިދޭ ކާޑު ހެދުމުގެ ހިދުމަށް އެޕޮއިންޓުމެންޓް އުސޫލުން ދޭ ގޮތަށް ކުޅުދުއްފުށީ ސިޓީ ކައުންސިލުން ނިންމައިފި އެވެ.

ކުރިން ކުޅުދުއްފުށީ ސަރަހައްދީ އޮފީހުގައި ހުރި އައިޑީކާޑު ޔުނިޓް ސިޓީ ކައުންސިލް އިދާރާއަށް ބަދަލުކޮށްފައިވަނީ 2020 ވަނަ އަހަރުގެ ޑިސެމްބަރު މަސްތެރޭގަ އެވެ.

ސިޓީ ކައުންސިލުން ބުނީ ކުޅުދުއްފުށި ސިޓީގައި ކޮވިޑް-19ގެ ހާލަތު ގޯސްވަމުންދާތީ އެޅޭ ރައްކާތެރިކަމުގެ ފިޔަވަޅެއްގެ ގޮތުން، 17 ޖެނަވަރީން ފެށިގެން އެހިދުމަތް ދެމުންގެންދާނީ އެޕޮއިންޓްމެންޓް ދޫކޮށްގެން ކަމަށެވެ.

ޕޮއިންޓްމަންޓް ހެއްދުމަށް ބަންދު ނޫން ކޮންމެ ދުވަހެއްގެ ހެނދުނު 8:30–9:30 އަށް 6527148 އަށް ގުޅުމަށް އެ އިދާރާއިން ވަނީ އެދިފަ އެވެ. އަދި އައިޑީކާޑު ބަލައި ދާންވާނީ އެ އިދާރާއިން އެސްއެމްއެސް މެދުވެރިކޮށް އަންގާ ވަގުތެއްގަ ކަމަށެވެ.

ހިދުމަތް ލިބިގަތުމަށް ކޮންމެ ރައްޔިތަކުވެސް ހަމަޖެހިފައިވާ ވަގުތުގަ ދިއުމާއި ހިދުމަތް ހޯއްދެވުމަކީ އެ އިދާރާގެ އިލްތިމާސް އެކެވެ.