ހަނިމާދޫއިން ފުރަން ތައްޔާރުވެފައ އޮތް މޯލްޑިވިއަންގެ ބޯޓެއްގައި ރޯވެއްޖެ

ހަނިމާދޫ އިންޓަނޭޝަނަލް އެއާޕޯޓުން ފުރަން ތައްޔާރުވެފައި އޮތް މޯލްޑިވިއަންގެ ފްލައިޓެއްގައި ރޯވެއްޖެއެވެ.

އެމްއެންޑީއެފް އިން ބުނީ ފްލައިޓްގައި ރޯވެފައިވަނީ މިރޭ 19:50 ހާއިރު ބޯޓު ހަނިމާދޫއިން ނައްޓާލަން އުޅުމުގެ ތެރޭގައި ކަމަށެވެ. ރޯވެފައިވަނީ ކޮކްޕިޓް ތެރޭގައިއެވެ.

While on runway preparing for take off from HAQ, a fire incident occurred and windshield of co-pilot side was shattered. An immediate evacuation was done on the runway. HAQ airport Fire and rescue services attended to aircraft immediately. We are investigating the incident.

— Maldivian (@MaldivianAero) January 18, 2022

މި ހާދިސާ މިވަގުތު ވަނީ ކޮންޓްރޯލް ކުރެވިފައި ކަމަށާއި އެއްވެސް ޕަސެންޖަރަކަށް އަނިޔާއެއް ވެފައެއް ނުވާކަމަށްވެސް އެމްއެންޑީއެފްއިން މައުލޫމާތު ދެއެވެ. ހާދިސާގައި ބޯޓަށް ގެއްލުންތަކެއްވެފައިވެއެވެ. އެގޮތުން ބޯޓުގެ ވިންޑް ސްކްރީންގައި ރެނދުލާފައެވެ.

މި ހާދިސާ ހިނގިއިރު ބޯޓުގައި ދިވެހިންނާއި ފަތުރުވެރިންވެސް ތިއްބެވެ. މިވަގުތު ދަނީ ބޯޓް ޓޯ ކުރުމުގެ މަސައްކަތް ކުރަމުންނެވެ.