އެންޓިޖެން ޓެސްޓް ހަދަން ސެންޓަރުތަކެއް

ކޮވިޑް-19ގެ އެންޓިޖެން ޓެސްޓް ހަދަން ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ފަށައިފިއެވެ.

15 އާއި 20 މިނެޓްތެރޭ ނަތީޖާ ލިބޭ މި ޓެސްޓް ހެދުމަށް ވަކި ސަރަހައްދުތަކެއް މިހާރު ވަނީ ހާއްސަކޮށްފައެވެ. ވަގުތުން ނަތީޖާ ލިބޭ އެންޓިޖެން ޓެސްޓް މިހާރު ކޮވިޑް ޓެސްޓު ހަދާ ބައެއް ސެންޓަރުތަކުން ހެދޭނެ ކަމަށް ސަރުކާރުން ބުނެއެވެ.

އެ ގޮތުން ސޯޝަލް ސެންޓަރާއި ސެނަހިޔާ އާއި ހުޅުމާލެ ރުއްގަނޑު 1 ސަރަހައްދުގައި ގާއިމު ކޮށްފައިވާ ސާމްޕަލް ސެންޓަރުން އެންޓިޖެންޓް ޓެސްޓު ހެދޭނެއެވެ.

އެންޓިޖެން ޓެސްޓު ހަދަނީ ކޮވިޑްގެ އަލާމަތްތައް ހުންނަ މީހުންނެވެ. މި ޓެސްޓުން ޕޮޒިޓިވްވެއްޖެނަމަ އެ މީހަކު ކޮވިޑަށް ޕޮޒިޓިވްވެއެވެ. އެހެން ކަމުން އެންޓިޖެން ޓެސްޓުން އަވަހަށް ބަލި ދެނެގަނެވި އޭނާގެ ފަރާތުން އެހެން މީހުންނަށް ބަލި ޖެހުމުގެ ފުރުސަތު ކުޑަކޮށްދެއެވެ.