ދުނިޔޭގެ ހާލަތު އޮތްގޮތުން އިތުރު ވޭރިއަންޓް އުފެދުމުގެ ފުރުސަތު ބޮޑު

ދުނިޔޭގެ ހާލަތު އޮތް ގޮތުން ކޮވިޑްގެ އިތުރު ނުރައްކާތެރި ވައްތަރުތައް އުފެދުމުގެ ފުރުސަތު ވަރަށް ބޮޑުކަމަށް ޑަބްލިއުއެޗްއޯގެ ޑިރެކްޓަރ ޖެނެރަލް ޓެޑްރޮސް އަދަނޮމް ގެބްރީޔޭސަސް ވިދާޅުވެއްޖެ އެވެ.

އެޖަމިއްޔާއިން ބޭއްވި ބައްދަލުވުމެއްގައި އޭނާ ވިދާޅުވީ މިހާރު ހަލުވިކަމާއެކު ފެތުރެމުންދާ އޮމިކްރޯނަކީ ކޮވިޑް-19ގެ އެންމެ ފަހު ވައްތަރުކަމަށް ގަބޫލުކުރުމަކީ ކޮށްގެންވާނެ ކަމެއް ނޫންކަމަށާއި ކޮވިޑްގެ ބިރުވެރިކަން ނިމުމަކަށް އައީކަމަށް ދެކުމަކީ ނުރައްކާތެރި ކަމެއް ކަމަށެވެ.

ދުނިޔެ އޮތީ ވަރަށް ނާޒުކު ފައްތަރެއްގައިކަމަށާއި ރައްކާތެރިކަމުގެ ފިޔަވަޅުތަކަށް އަމަލުކޮށް، ވެކްސިންގެ ޑޯސްތައް ފުރިހަމަކޮށްގެން ނޫނީ ބަލިމަޑުކަމުން އަރައިގަނެވެން ނެތްކަމަށް އޭނާ ވިދާޅުވި އެވެ.

2019 ވަނަ އަހަރު ޗައިނާއިން ފެނުނު ކޮރޯނާ ވައިރަސް ނުވަތަ ކޮވިޑް-19 ޖެހިގެން މިހާތަނަށް ދުނިޔޭން ގާތްގަނޑަކަށް 6 މިލިއަން މީހުން މަރުވެފައިވާއިރު މި ވައިރަސްގެ އެކި ވޭރިއަންޓްތައް އަންނަނީ އެކި ގައުމުތަކުން ފެންނަމުންނެވެ.

އެގޮތުން އެންމެ ފަހުން ފެނުނު އޮމިކްރޯންއަކީ މިހާތަނަށް ފެނުނު ކޮވިޑްގެ އެންމެ ނުރައްކާތެރި ވޭރިއަންޓްކަމަށް ޑަބްލިއުއެޗްއޯއިންވެސް ވަނީ ކަނޑައާޅާފައެވެ.