ހދ. އަތޮޅުގައި ހައި ސްޕީޑް ފެރީގެ ހިދުމަތް ފެށުމަށްޓަކައި ކުރާ ޓެސްޓް ދަތުރުތައް އަންގާރަ ދުވަހު ހދ. އަތޮޅަށް ކުރަން ހަމަޖެހިފައިވާ ކަމަށް އެމްޓީސީސީން ބުނެފިއެވެ.
މި ޕްރޮޖެކްޓްގައި ރާއްޖޭގެ ސަރަޙައްދުތައް ބަހާލާފައިވަނީ 6 ޒޯނަކަށެވެ. އިންޓަރގްރޭޓެޑް ނޭޝަނަލް ޕަބްލިކް ފެރީ ނެޓްވޯރކް” މަޝްރޫޢުގެ ދަށުން ހައި ސްޕީޑް ފެރީ ނިޒާމުގެ ޚިދުމަތަށް ބޭނުންވާ ސްޕީޑް ފެރީތައް ބަނުމަށް ގަލްފް ކްރާފްޓް މޯލްޑިވްސް އާއި ހަވާލުކޮށްފައިވަނީ 11 އޭޕްރިލް 2021 ގައެވެ.
އެގޮތުން އުތުރުގެ ފެރީ ނިޒާމްގައި ބޭނުންކުރުމަށް ބަނދެފައިވާ 4 ފެރީއެއްގެ މަސައްކަތް ނިމި، އެމްޓީސީސީ ވަނީ ހަވާލުކޮށްފައެވެ. ފެރީ ނިޒާމުގެ ހުރިހާ މަސައްކަތްތައް ސަރުކާރުން ހަވާލުކޮށްފައިވަނީ އެމްޓީސީސީއާ އެވެ.
The first 4 vessels needed for implementation of Integrated National Public Ferry Network were officially handed over by Gulf Craft to MTCC today. These 4 RTL Ferries will depart to HDh. atoll tomorrow to start route & schedule testing before RTL Ferry services officially begin. pic.twitter.com/XqCRIVXfUJ
— MTCC Plc (@MTCCPlc) January 31, 2022
ރާއްޖެއެމްވީއަށް ދެއްވި އިންޓަވިއުއެއްގައި އެމްޓީސީސީގެ ސީއީއޯ އާދަމް އާޒިމް ވިދާޅުވީ 4 ލޯންޗު ޓެސްޓަށް ދަތުރުކޮށް ދެ ހަފްތާއަށް ޓެސްޓް ދަތުރުތައް ކުރިއަށް ގެންދިއުމަށް ނިންމާފައިވާ ކަމަށެވެ. އަދި އެއަށްފަހު ސަރުކާރުން މި ހިދުމަތް ފަށާނެ ދުވަހެއް ކަނޑައެޅުމުން ލަސްތަކެއް ނުވެ ހިދުމަތް ފެށިގެންދާނެކަމަށް ގަބޫލުކުރައްވާ ކަމަށެވެ.
އެމްޓީސީސީން ގަލްފް ކްރާފްޓް މޯލްޑިވްސް އާ ހަވާލުކުރީ 50 މީހުނެގް ޖާގައިގެ 17 ސްޕީޑް ފެރީއެއް ބަނުމަށެވެ. 30 ނޮޓް ގެ ބާރުމިނެއްގައި ދުވާ މި ފެރީގައި ޕަސްިންޖަރުންގެ ސީޓާއި ކެބިން ފަރުމާކުރެވޭނީ މިފަދަ ދަތުރުތައްކުރުމަށް އެންމެ އެކަށޭނަ ގޮތަށެވެ. އަދި ހާއްސައެހީއަށް ބޭނުންވާ ފަރާތްތަކަށް ހާއްސަ އިންތިޒާމްތަކެއް ވެސް މިފެރީތަކުގައި ގާއިމްކުރެވޭނެއެވެ.
