މިއަދު 1،834 މީހުން ކޮވިޑަށް ޕޮޒިޓިވް ވެއްޖެ

ވޭތުވެ ދިޔަ 24 ގަޑިއިރުތެރޭ އިތުރު 1،834 މީހުން ކޮވިޑަށް ޕޮޒިޓިވްވެފައިވާކަމަށް ހެލްތް ޕްރޮޓެކްޝަން އޭޖެންސީ އެޗްޕީއޭއިން ބުނެފި އެވެ.

އެޗްޕީއޭއިން އާންމުކުރި ތަފާސް ހިސާބުތަކަށް ބަލާއިރު މިއަދު ޕޮޒިޓިވްވި މީހުންގެ ތެރެއިން 748 މީހުންނަކީ މާލެއިން ސަރަހައްދުން ޕޮޒިޓިވްވި މީހުންނެވެ. އަދި 698 މީހުން ހިމެނެނީ އަތޮޅުތެރެއިނެވެ. 65 މީހަކު ރިސޯޓްތަކުން ޕޮޒިޓިވްވިވެފައި ވެއެވެ.

24 ގަޑިއިރުތެރޭގައި ޖުމަލް 5،657 ސާމްޕަލް ނަގާފައިވާއިރު 2،542 ސާމްޕަލަކީ އަތޮޅުތެރެއިން ނެގުނު ސާމްޕަލެވެ. މިވަގުތު މާލޭގެ ޕޮޒިޓިވިޓީ ރޭޓް ހުރީ 29 އިންސައްތައިގަ ކަމަށް އެޗްޕީއޭއިން މައުލޫމާތު ދެއެވެ.

މިއަދުވެސް ކޮވިޑްގައި 2 މީހުން މަރުވެފައިވާއިރު މި ބަލީގައި ރާއްޖޭން މަރުވި މީހުންގެ އަަދަދުވަނީ 280 އަރާފައެވެ. އަދި މި ވަގުތު ހޮސްޕިޓަލުގައި އެޑްމިޓްކޮށްގެން 60 މީހަކަށް ދަނީ ފަރުވާދެމުންނެވެ.