ކޮވިޑްގައި އިތުރު މީހަކު މަރުވެއްޖެ

ކޮވިޑް ޖެހިގެން ރާއްޖޭން އިތުރު މީހަކު މަރުވެއްޖެއެވެ. މިއާއެކު ބަލީގައި ރާއްޖޭން މަރުވި މީހުންގެ އަދަދު މިވަނީ 285 އަރާފަ އެވެ.

ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ހުޅުމާލޭ މެޑިކަލް ފެސިލިޓީގައި އެޑްމިޓްކޮށްފައި އޮތް 77 އަހަރުގެ އަންހެނަކު މިއަދު ހެނދުނު މަރުވެފައިވާ ކަމަށެވެ. މި މަހު މިހާތަނަށް ކޮވިޑްގައި ޖުމްލަ އަށް މީހަކު ވަނީ މަރުވެފައެވެ.

ރާއްޖޭން ކޮވިޑް ޖެހިގެން އެންމެ ގިނަ މީހުން މަރުވީ މިދިޔަ އަހަރުގެ މެއި މަހުއެވެ. އެ މަހު ކޮވިޑް ޖެހިގެން 89 މީހަކު މަރުވިއެވެ. އަދި އެ މަހު އެއް ދުވަހެއްގައި 13 މީހަކު ވެސް ކޮވިޑްގައި ވަނީ މަރުވެފައެވެ.

ރާއްޖޭގައި އެކްޓިވް ކޭސްގެ ގޮތުގައި މިވަގުތު ތިބީ 16،775 މީހުންނެވެ. އޭގެ ތެރެއިން 60 މީހުންނަށް ފަރުވާދެމުން އަންނަނީ ހޮސްޕިޓަލްގައި އެނދުމަތި ކޮށްގެންނެވެ.