ކޮވިޑްގައި މަކުނުދޫއިން މީހަކު މަރުވެއްޖެ

ކޮވިޑަށް ފަރުވާ ދެމުންދިޔަ 87 އަހަރުގެ މީހަކު މަރުވެއްޖެ އެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ އެމީހާ މަރުވީ އިއްޔެ ހަވީރު 5:40 ގަކަމަށާއި އެއީ ބަލި ވެގެން ފަރުވާއަށް މަކުނުދޫ ސިއްހީ މަރުކަޒަށް ގެންދިޔަ މީހެއް ކަމަށެވެ.

މިއީ ރާއްޖޭގެ 297 ވަނަ ކޮވިޑް މަރެވެ. ކޮވިޑްގައި މިމަހު 26 ވަނަ ދުވަހުވެސް ދެ މީހުން ވަނީ މަރުވެފައެވެ. އެއީ ށ އަތޮޅު ކޮވިޑް ފެސިލިޓީގައި އެޑްމިޓްކޮށް ފަރުވާ ދެމުން އައި ދެ މީހުންނެވެ.