"ޒަކާތު ނަަފާ"ގެ ނަމުގައި މާލީ އެހީތެރިކަން ފޯރުކޮށްދޭ ޕްރޮގްރާމެއް

އިސްލާމިކް މިނިސްޓްރީ އާއި އިކޮނޮމިކް މިނިސްޓްރީ ގުޅިގެން 'ޒަކާތު ނަފާ' ގެ ނަމުގައި މާލީ އެހީތެރިކަން ފޯރުކޮށްދިނުމުގެ މަގްސަދުގައި ޕްރޮގްރާމެއް ހިންގަން ނިންމައިފިއެވެ.

އެ ޕްރޮގްރާމްގައި ފަގީރުންގެ ގޮތުގައި ރަޖިސްޓްރީ ކޮށްފައިވާ މީހުންނަށް އަމިއްލައަށް މަސައްކަތްކޮށްގެން ފުދުންތެރި ދިރިއުޅުމެއް ފަށައިގަތުމަށް ބޭނުންވާ މީހުނަށް މާލީއެހީތެރިކަން ފޯރުކޮށްދޭނެއެވެ. އެ ޕްރޮގްރާމް ކުރިއަށްދާނީ އެފަރާތްތަކަށް އާމްދަނީ ހޯދޭނެ މަގެއްފަހިކޮށްދީ ފުދުންތެރި މުޖުތަަމައުއެއް ބިނާކުރުމުގެ މަގްސަދުގައެވެ.

އެގޮތުން އިސްލާމިކް މިނިސްޓްރީން އެކުލަވާލާފައިވާ ފަޤީރުންގެ ދަފްތަރުގައި ހިމެނޭ މީހުންނަށް ކަނޑައެޅޭ ވަކި އުސޫލެއްގެ ދަށުން ވަކި އަދަދެއްގެ ބަޔަކަށް ޒަކާތު ފަންޑުން އެހީތެރިކަން ފޯރުކޮށްދޭނެ އެވެ.

އަދި އަމިއްލައަށް މަސައްކަތްކޮށްގެން ޝަރަފުވެރި އަބުރުވެރި ދިރިއުޅުމެއް އުޅުމަށް ބާރުއެޅުމާ އިގްތިސޯދީ ކުރިއެރުވުމުގައި ފަރުދުންގެ ބައިވެރިވުން އިތުރުކުރުވަން އެ ޕްރޮގްރާމްގައި މަސައްކަތްކުރާނެއެވެ.