އެސްޓީއޯއިން ވިއްކާ ތެލުގެ އަގު އަނެއްކާވެސް ބޮޑުކޮށްފި

ޔޫކްރޭންގެ ހަނގުރާމައާ ގުޅިގެން ދުނިޔޭގެ ބާޒާރުގައި ތެލުގެ އަގު އުފުލުމުން، އެސްޓީއޯއިން ތެޔޮ ވިއްކާ އަގު ބޮޑުކޮށްފިއެވެ.

އެސްޓީއޯ އިން ނެރުނު ބަޔާނެއްގައި ބުނީ، އެ ކުންފުނީގެ ދަށުން ހިންގާ ފިއުލް ސަޕްލައި މޯލްޑިވްސް (އެފްއެސްއެމް) އިން މިއަދުން ފެށިގެން ޕެޓްރޯލް ލިޓަރެއް ވިއްކާނީ 14.60ރ. އަށް ކަމަށެވެ. ޑީސަލް ލިޓަރެއްގެ އަގަކީ 14.80ރ. އެވެ.

އެސްޓީއޯއިން އެންމެ ފަހުން ތެލުގެ އަގު ބޮޑުކުރީ މިދިޔަ މަހުގެ ތެރޭގައެވެ.

އެކުންފުނިން ބުނީ، މިދިޔަ މަހުގެ ފަހުކޮޅު ރަޝިއާ އާއި ޔޫކްރޭންގެ ހަނގުރާމަ ފެށީ ދުނިޔޭގެ ބާޒާރުގައި ތެލުގެ އަގު ހިފެހެއްޓުމެއް ނެތި އުފުލެމުން ދަނިކޮށް ކަމަށެވެ. އަދި އެ ހަނގުރާމައިގެ ސަބަބުން، ތެލުގެ އަގު މައްޗަށްދާ ނިސްބަތް މިހާރު އިތުރުވެފައިވާ ކަމަށެވެ.

އެސްޓީއޯ އިން ބުނީ، އެ ކުންފުނިން އަބަދުވެސް މަސައްކަތް ކުރަނީ ފޯރުކޮށްދޭ ހުރިހާ ހިދުމަތެއް ހުއްޓުމެއް ނެތި، ދެމެހެއްޓެނިވި ގޮތަކަށް ދިނުމަށް ކަމަށެވެ.

އެސްޓީއޯ އިން ބުނީ، އެ ކުންފުނިން އަބަދުވެސް މަސައްކަތް ކުރަނީ ފޯރުކޮށްދޭ ހުރިހާ ހިދުމަތެއް ހުއްޓުމެއް ނެތި، ދެމެހެއްޓެނިވި ގޮތަކަށް ދިނުމަށް ކަމަށެވެ.