ތަސްލީމާގެ ބަދިގެ: ޕުރޮޓީން ޗިކަން ރޯލް

"ތަސްލީމާގެ ބަދިގެ" ޕްރޮގްރާމްގައި ރަމަޟާން މަހުގެ މިއަދު މި ގެނެސްދެނީ ޕުރޮޓީން ޗިކަން ރޯލް ތައްޔާރު ކުރާނެ ގޮތެވެ. މިއީ ރޯދަ ވީލާގަޑީގައި ކާލަން ވަރަށް މީރު ޑިސް އެކެވެ.

ބޭނުންވާނެ ތަކެތި:

ސޯސްގަނޑު ހެދުމަށް (1 ތަށި ޕްލޭން ޔޯގަޓް، 1 ލޮނުމެދު، 1 ސ ސަމްސާ ގާލިކް ޕައުޑަރ، ލުނބޯހުތްކޮޅެއް، ކުޑަ ކޮރިއަންޑާ ފަތް ކޮޅެއްލާފައި މިކްސްޗަރއިން ގިރާލީމަ ނިމުނީ އެވެ.

މަސްގަނޑު ތައްޔާރުކުރާނެ ގޮތް:

ބޯންލެސް ކުކުޅު ކޮޅު ކޮށާފައި ތެޅިމިރުސް، ލޮނުމެދު، ފިޔާ ދިރި، އަސޭމިރުސް، ކޮތަނބިރި، ލުނބޯހުތް، އަދި ލޮނު ލާފައި އެއްކޮށްލާފަ އިރުކޮޅަކު ބަހައްޓާލާށެވެ. އެއަށްފަހު ތަވަޔަށް ތެޔޮފޮދެއް އެޅުމަށްފަހު ކުކުޅުކޮޅު ރޯފިލުވާލާށެވެ. ކުކުޅުކޮޅު ރޯފިލުމުން ބެލް ޕެޕާ އަދި ފިޔާ ކޮޅު އަޅާ މީރު ކޮށްލާށެވެ. އެއަށްފަހު ފަރާޓާ މައްޗަށް މަސްކޮޅެއް އެޅުމަށްފަހު ތައްޔާރުކުރި ސޯސްގަނޑުން އެތިކޮޅެއް އަޅާ ފަރާޓާ ރޯލް ކޮށްލާށެވެ.

ތަސްލީމާއަކީ ކުޅުދުއްފުށީގައި ކެއްކުމުގައި މަގުބޫލުކަން ހޯދަމުން އަންނަ އަދި ކެއްކުމުގެ ތަޖުރިބާ ހުރި ހުނަރުވެރި ޒުވާނެކެވެ.