ކުޅުދުއްފުށީ ދެކުނު އަވަށުގައި ސިޓީ ކައުންސިލުން މައިޒާނެއް ހަދަނީ

ކުޅުދުއްފުށީ ސިޓީ ކައުންސިލުން އެ ސިޓީގެ ދެކުނު އަވަށުގައި މައިޒާނެއް ތަރައްގީކުރަން ނިންމައިފި އެވެ.

ސިޓީ ކައުންސިލުން ބުނީ "ކިނބިވާ" މައިޒާން ނަމުގައި މައިޒާނެއް ތަރައްގީކުރުމަށް ހަމަޖެހިފައިވަނީ ކުޅުދުއްފުށި ދެކުނު އަވަށު ސަރުދާރުމަގުގެ އުތުރުން، އުމަރުކަލޭގެފާނުމަގާއި ގަލަދުންގޯޅިއާއި ދެމެދުގައިވާ ހުސްބިމުގަ ކަމަށެވެ.

މީގެ އިތުރުން ކައުންސިލުން ބުނީ މިއީ ރައްޔިތުންގެ އިސްނެގުމާއެކު ކައުންސިލުން ބައިވެރިވެގެން އިޖުތިމާއީ މަސައްކަތެއްގެ ގޮތުގައި ތަރައްޤީ ކުރުމަށް ހަމަޖެހިފައިވާ ތަނެއް ކަމުގަ އެވެ.

އެއްވެސް އަގަކާ ނުލައި ތަނުގެ ކޮންސެޕްޓް ޑްރޯވިން ތައްޔާރުކޮށްދީފައިވަނީ އޭއެސްޕީ ސްޓޫޑިއޯއިން ކަމަށާއި އެކަމަށްޓަކައި އެ ސްޓޫޑިއޯއަށް ޝުކުރު އަދާކުރާ ކަމަށެވެ.