މިއަހަރުވެސް ބޮޑު ޖަމާއަތުގައި އީދު ނަމާދުކުރުން އޮންނާނެ

މޫސުމް ތަންދޭނަމަ މިއަހަރުވެސް ކުޅުދުއްފުށި ސިޓީގައި ބޮޑު ޖަމާއަތުގައި އީދު ނަމާދުކުރުން އޮންނާނެކަމަށް ކުޅުދުއްފުށި ސިޓީ ކައުންސިލުން ބުނެފި އެވެ. މިފަހަރުވެސް ބޮޑު ޖަމާއަތުގައި އީދު ނަމާދު ކުރުމުގެ އިންތިޒާމު ސިޓީ ކައުންސިލުން ހަމަޖައްސާނެ އެވެ.

އެހެން އަހަރުތަކެކޭ އެއްގޮތަށް މިއަހަރުވެސް ބޮޑު ޖަމާއަތް ކުރިއަށްދާނީ ކުޅުދުއްފުށީ ޒޯން ސްޓޭޑިއަމްގައި އެވެ.

ބޮޑު ޖަމާއަތުގައި އިމާމުވެ އީދު ނަމާދުކުރައްވާނީ އައްޝައިހް ރޫހުލް އަމީން އަބްދުﷲ އެވެ. ބޮޑު ޖަމާއަތުގައި ނަމާދުކުރަން ފެށޭނީ ހެނދުނު 7.30 ގަ އެވެ.

އަދި އެހެން އަހަރުތަކެކޭވެސް އެއްގޮތަށް ރަށުގެ 5 މިސްކިތުގައި ވެސް އީދު ނަމާދުކުރިއަށްދާނެ އެވެ.