ކޮވިޑް ހާލަތު ގޯސްވާތީ މާސްކު އަޅަން އެޗްޕީއޭއިން އިލްތިމާސްކޮށްފި

ރާއްޖޭގައި ކޮވިޑް-19ގެ ހާލަތު ގޯސްވާތީ މާސްކް އަޅަން ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އިލްތިމާސްކޮށްފިއެވެ.

އެޗްޕީއޭ އިން މިއަދު ނެރުނު ބަޔާނެއްގައި ބުނެފައި ވަނީ ވޭތުވެދިޔަ މަސްތަކުގައި ކޮވިޑްގެ ކޭސްތައް ރާއްޖޭގައި މަދުވެފައި އޮތުމަށްފަހު އަނެއްކާވެސް އިތުރުވަމުން ދާކަމަށެވެ.

އެޗްޕީއޭ އިން ވަނީ ޖޫން ފަސް ވަނަ ދުވަހުން ފެށިގެން 11 ވަނަ ދުވަހުގެ ނިޔަލަށް ޕޮޒިޓިވްވި މީހުންގެ އަދަދުތައް އާއްމުކޮށްފައެވެ. އޭގެ ތެރެއިން މާލެ އިން 50 މީހަކު އަދި އަތޮޅު ތެރެއިން 40 މީހަކު ޕޮޒިޓިވް ވެފައިވާއިރު ރިސޯޓްތަކާއި އިންޑަސްޓްރިއަލް ރަށްތަކުން 52 މީހަކު ވަނީ ޕޮޒިޓިވް ވެފައެވެ.

ފާއިތުވި މެއި މަހު ކޮވިޑް ޖެހިގެން ރާއްޖޭއިން އެޑްމިޓްކޮށްގެން ޖުމްލަ 15 މީހުންނަށް ފަރުވާދީފައިވާ ނަމަވެސް އިއްޔެ އާ ހަމައަށް 11 މީހުންނަށް އެޑްމިޓްކޮށްގެން ފަރުވާދޭން ޖެހިފައިވާ ކަމަށް އެޗްޕީއޭއިން މައުލޫމާތު ދެއެވެ.