އުނގޫފާރާއި ދުވާފަރުގެ ކުރިމަތިލުން އެއްވަރުވެ ގްރޫޕް ޑީގެ ފޯރި އިތުރަށް ގަދަވެއްޖެ

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)އިން ކުރިއަށް ގެންދާ އެމްޓީސީސީގެ ނޯތު ލީގުގައި އުނގޫފާރާއި ދުވާފަރުގެ ކުރިމަތިލުން އެއްވަރުވެ ގްރޫޕް ޑީގެ ފޯރި އިތުރަށް ގަދަވެއްޖެ އެވެ.

އިއްޔެ ހަވީރު އަލިފުށީގައި އުނގޫފާރާއި ދުވާފަރު ބައްދަލުކުރި މެޗު ނިމުނީ 0 - 0 ން އެއްވަރުވެގެންނެވެ. މެޗުގައި ވާދަވެރި ކުޅުމެއް ފެނިގެންދިޔައިރު ދެޓީމުން ވެސް ރަނގަޅު ކުޅުމެއް ވަނީ މެޗުގައި ދައްކާފަ އެވެ.

މިމެޗުގައި ރަތް ކާޑެއް ވެސް ވަނީ ދައްކާފަ އެވެ. ދުވާފަރުގެ މެނޭޖަރު އިބްރާހިމް މުހައްމަދަށް ރަތް ކާޑު ދެއްކިއިރު އެޓީމުގެ ޖޯޒީ ނަމްބަރު 11 އަޒޫމް އަލީއަށް ވަަނީ ރީނދޫ ކާޑެއް ދައްކާފަ އެވެ. އަދި އުނގޫފާރުގެ ޖޯޒީ ނަމްބަރު 9 އަބްދުﷲ ޝަރީފް އަބްދުލް ޝުކޫރަށް ވެސް ވަނީ ރީނދޫ ކާޑެއް ދައްކާފަ އެވެ.

އޮގަސްޓް 30 ވަނަ ދުވަހު އަލިފުށިން އަމިއްލަ ދަނޑުގައި 3 - 1 ން ދުވާފަރު ބަލިކުރި އެވެ. ގްރޫޕް ޑީއަށް ބަލާލާއިރު 5 ޕޮއިންޓާއެކު އެއްވަނައިގައި އޮތީ އުނގޫފާރެވެ. 4 ޕޮއިންޓާއެކު ދެވަނައިގައި އަލިފުށި އޮތްއިރު ދުވާފަރު ފުލުގައި އޮތީ 3 ޕޮއިންޓާއެކުގަ އެވެ.