ކައުންސިލްގެ ބައެއް އިމާރާތްތަކާ ގުޅުން ހުރި ބައެއް ތަންތަނުގައި ކެމެރާ ހަރުކޮށްފި

ކުޅުދުއްފުށީ ސިޓީ ކައުންސިލްގެ ބައެއް އިމާރާތްތަކާއި ކައުންސިލާ ގުޅުން ހުރި ބައެއް ތަންތަނުގެ ސެކިއުރިޓީ ކެމެރާ ހަރުކޮށްފި އެވެ.

އެ ކައުންސިލުން ބުނީ، ކައުންސިލްގެ ބައެއް އިމާރާތްތަކާއި ކައުންސިލާ ގުޅުން ހުރި ބައެއް ތަންތަނުގެ ސެކިއުރިޓީ ރަނގަޅު ކުރުމުގެ ގޮތުން ސީސީޓީވީ އިންސްޓޯލްކޮށް، މޮނިޓަކުރަން ފަށާފައިވާކަމަށެވެ.

ސިޓީ ކައުންސިލުން ބުނީ މި ތަންތަނުގައި ކެމެރާހަރުކުރުމުގެ މައިގަނޑު މަގުސަދަކީ ކައުންސިލްގެ އެސެޓްތައް ރައްކާތެރިކޮށް ބެލެހެއްޓުންކަމުގަ އެވެ.

މިއީ 441،300.00 (ހަތަރު ލައްކަ ސާޅީސް އެއްހާސް ތިން ސަތޭކަ) ރުފިޔާގެ ހަރަދުކޮށްގެން ކުރިއަށްގެންދިޔަ ޕްރޮޖެކްޓެކެވެ.

ސިޓީ ކައުންސިލުން ބުނީ ކުރިއަށް އޮތް ތަނުގައި އިތުރު ތަންތަނުގައިވެސް ކެމެރާ ހަރުކުރާނެ ކަމަށެވެ.