ކުޅުދުއްފުށީގައި އިމާރާތްކުރި 165 ރޯހައުސް ރަސްމީކޮށް ހަވާލުކޮށްފި

ކުޅުދުއްފުށި ސިޓީގައި އިމާރާތްކުރި 165 ރޯހަރުސްތައް ކުޅުދުއްފުށީ ސިޓީ ކައުންސިލާ ހަވާލުކޮށްފި އެވެ. އެ ސިޓީގައި އިމާރާތްކުރި ރޯހައުސްތައް ނިންމުން ފާހަގަކުރުމަށް ރޭ ކުޅުދުއްފުށީގައި ބޭއްވި ރަސްމިއްޔާތު ޝަރަފްވެރިކޮށްދެއްވީ މިނިސްޓަރ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރ މުހައްމަދު އަސްލަމެވެ.

ރޭ ބޭއްވި ހާއްސަ ރަސްމިއްޔާތުގައި ކުޅުދުއްފުށީ ސިޓީގެ މޭޔަރު މުހައްމަދު އާތިފް އާ މި ފްލެޓްތައް ރަސްމީކޮށް ހަވާލުކޮށްދެއްވީ މިނިސްޓަރު އަސްލަމެވެ

ރާއްޖޭގައި ތިންވަނައަށް އެންމެ ގިނަ މީހުން ދިރިއުޅޭ ރަށްކަމުގައިވާ ކުޅުދުއްފުއްޓަށް ދިމާވެފައިވާ ބޯހިޔާވަހިކަން ހައްލުކޮށްދިނުމަށް މި މަޝްރޫއިގެ އަމަލީ މަސައްކަތް 2011 ވަނަ އަހަރު ވަނީ ފަށާފައެވެ. އެހެންނަމަވެސް، މި މަސައްކަތް ކުރިއަށްނުގޮސް ފަހުން ވަނީ މަސައްކަތް ހުއްޓިފައެވެ.

ނުހެދި ހުރި 105 ހައުންސިންގ ޔުނިޓް ނިންމީ މިސަރުކާރުންނެވެ. އަދި މީގެ އިތުރުން މާފަލުހިޔާގައި ހުރި 40 ރޯހައުސްވެސް މިސަރުކާރުން މަރާމާތުކޮށްފައިވެ އެވެ.

މި ރޯހައުސްތަކުގައި މީހުން ދިރިއުޅެން ފަށާފައިވާއިރު މިއީ ބޯހިޔާވަހިކަމަށް ޖެހިފައިވާ ތިބި ރައްޔިތުންނަށް ލިބިގެންދިޔަ ބޮޑު ހިތްހަމަޖެހުމެކެވެ.